Pep Guardiola បានបញ្ជាក់ច្បាស់ៗថា ខ្សែប្រយុទ្ធ Sergio Aguero នឹងត្រូវប្រឹងប្រែងខ្លាំងមែនទែន ទើបអាចចូលលេងជម្រើសដំបូងឱ្យក្រុម Manchester City វិញបាន។
Aguero ខកខានការប្រកួតជាច្រើនមែនទែន ក្រោយពីរូបគេមានបញ្ហារបួស និងឆ្លងមេរោគកូវីដ១៩ បន្ដបន្ទាប់មក។ ការអវត្តមានច្រើននេះ បានក្លាយជាកង្វល់សម្រាប់លោក Pep ក្នុងការសម្រេចចិត្តប្រើប្រាស់ខ្សែប្រយុទ្ធអាហ្សង់ទីនរូបនេះឡើយវិញ ត្បិតអីកីឡាករក្នុងក្រុមកំពុងធ្វើបានល្អស្រាប់ទៅហើយ។
អ្នកចាត់ការខាងលើបាននិយាយថា៖ “គាត់បានដឹងទៅហើយ។ គាត់បានដឹងតាំងពីដំបូងមកហើយថា អ្នកដែលត្រូវលេងបានគឺនឹងត្រូវលេង។ វាជារឿងសមហេតុផលសម្រាប់កីឡាករគ្រប់គ្នា។ ប្រសិនបើនរណាលេងល្អដល់កម្រិតនោះ គេនឹងមានឱកាសបានចូលលេងជម្រើសដំបូង។ Sergio នឹងត្រូវលេងឱ្យដល់កម្រិតកំពូលវិញ ទើបអាចមានឱកាសចូលជួយក្រុមវិញបាន”៕ប្រភព Goal