ស្ថាប័នផ្សព្វផ្សាយកីឡា ONE Championship បានប្រកាសជាផ្លូវការនូវបេក្ខភាព និងកាលបរិច្ឆេទនៃព្រឹត្តិការណ៍ប្រកួតជើងឯកគុនចម្រុះនារីធំបំផុតក្នុងពិភពលោកនេះ។
កាលពីថ្ងៃពុធនេះ នាយកប្រតិបត្តិ និងអគ្គនាយកប្រតិបត្តិ ONE លោក Chatri Sityodtong បានបញ្ជាក់ពីកីឡាការិនីគុនចម្រុះទាំង៨នាក់មកពីបណ្តាលប្រទេស៨ផ្សេងគ្នាក្នុងលោកដើម្បីចូលរួមប្រកួតពានរង្វាន់ និងជាខ្សែក្រវាត់គុនចម្រុះនារីពិភពលោក ONE Atomweight World Grand Prix ដែលនឹងចាប់ប្រកួតជាផ្លូវការនៅជុំទី១ នាថ្ងៃទី២៨ ខែឧសភា ខាងមុខនេះ។
អ្នកដែលទទួលបានជ័យជម្នះពីកម្មវិធីដ៏អស្ចារ្យនេះនឹងត្រូវឡើងទៅប្រកួតដណ្តើមខ្សែក្រវាត់គុនចម្រុះពិភពលោក ONE Atomweight ពីម្ចាស់ជើងឯកដែលជាកីឡាការិនីសិង្ហបុរី “Unstoppable” Angela Lee នាខែវិច្ឆិកា ចុងឆ្នាំនេះ។
ដូចការបញ្ជាក់របស់លោក Sityodtong បេក្ខនារីទាំង៨នាក់ដែលត្រូវប្រជែងគ្នាដណ្តើមពានរង្វាន់ពិភពលោក ONE Atomweight World Grand Prix មានដូចខាងក្រោម៖
- កីឡាការិនីហ្វីលីពីន Denice Zamboanga (ប្រកួតឈ្នះ៨ដង មិនដែលចាញ់)
-
កីឡាការិនីចិន Meng Bo (ប្រកួតឈ្នះ១៧ដង និងចាញ់៥ដង)
- កីឡាការិនីថៃ Stamp Fairtex (ប្រកួតឈ្នះ៥ដង និងចាញ់១ដង)
-
កីឡាការិនីអាមេរិក Alyse Anderson (ប្រកួតឈ្នះ៥ដង និងចាញ់១ដង)
-
កីឡាការិនីជប៉ុន Itsuki Hirata (ប្រកួតឈ្នះ៧ដង មិនដែលចាញ់)
-
កីឡាការិនីអ៊ុយក្រែន Alyona Rassohyna (ប្រកួតឈ្នះ១៣ដង និងចាញ់៤ដង)
-
កីឡាការិនីឥណ្ឌា Ritu Phogat (ប្រកួតឈ្នះ៤ដង មិនដែលចាញ់)
-
កីឡាការិនីកូរ៉េខាងត្បូង Seo Hee Ham (ប្រកួតឆ្នះ២៣ដង និងចាញ់៨ដង)
សូមបញ្ជាក់ថា ដៃគូប្រកួតដែលត្រូវប៉ះគ្នានៅជុំទី១នាថ្ងៃទី២៨ ខែឧសភា នឹងត្រូវប្រកាសជាសាធារណៈឆាប់ៗខាងមុខនេះ។ សូមបន្តតាមដានទាំងអស់គ្នា៕


