ក្រុមតោខៀវ Chelsea លេងបានត្រឹមស្មើជាមួយក្រុមបិសាចក្រហម Manchester United ប៉ុណ្ណោះក្នុងលទ្ធផល ០-០ សម្រាប់ការប្រកួតលីគកំពូលអង់គ្លេស។
ក្នុងការប្រកួតនេះដែរ ខ្សែប្រយុទ្ធ Timo Werner ត្រូវបានលោក Tuchel មិនដាក់ឱ្យចូលលេងជម្រើសដំបូងនោះទេ ខណៈដែលកីឡាករអាល្លឺម៉ង់រូបនេះត្រូវបានគេឃើញថាកន្លងមកតែងបង្ហាញខ្លួនជាប់រហូតតែម្ដង។ ការមិនដាក់លេងតាំងពីដំបូងនេះ ត្រូវអ្នកចាត់ការក្រុមបញ្ជាក់ថាចង់ឱ្យរូបគេសម្រាកខ្លះ ព្រោះលេងជម្រើសដំបូងរហូតមកហើយ។
លោក Tuchel បាននិយាយទៀតថា៖ “ខ្ញុំមើលឃើញគាត់ហត់នឿយហើយ។ យើងចង់ឱ្យគាត់សម្រាកបន្តិច ហើយត្រលប់មកចូលជម្រើសដំបូងវិញសម្រាប់ការប្រកួតទល់ Liverpool ”។ រំលឹកថាកីឡាករអាល្លឺម៉ង់ខាងលើនេះ តែងបង្ហាញជម្រើសដំបូងជាប់ជានិច្ច បើទោះកន្លងមករូបគេលេងមិនសូវបានល្អ ពិបាករកគ្រាប់បាល់ក៏ដោយ៕ប្រភព Goal
