ក្រុម AC Milan បានយកឈ្នះក្រុមម្ចាស់ផ្ទះ AS Roma ដោយលទ្ធផល ២-១ ក្នុងកីឡដ្ឋាន Stadio Olimpico កាលពីប្រកួតជុំទី ២៤ យប់មិញ។ ការយកបាន ៣ ពិន្ទុរុញឲ្យ Milan មាន ៥២ ពិន្ទុចាញ់ ៤ ពិន្ទុធៀបក្រុមកំពូលតារាង ហើយ Roma មាន ៤៤ ពិន្ទុចាញ់ ២ ពិន្ទុធៀបនឹងក្រុម Top 4។
ជម្រើសដំបូងរបស់ក្រុមទាំងពីរ ពេញជើងទាំងសងខាងដូចគ្នា ហើយក៏មានឱកាសវាយសម្រុកទៅមកឥតឈប់ឈរផងដែរ។ ម្ចាស់ផ្ទះ Roma គ្រប់គ្រងបាល់ ៥៤ ភាគរយ មានឱកាសស៊ុត ១៨ លើក ចំគោលដៅ ៨ លើក រីឯក្រុមភ្ញៀវគ្រប់គ្រងបាល់ ៤៦ ភាគរយ ស៊ុត ១៧ លើកសរុប និងចំគោលដៅ ៩ លើក។
គ្រាប់បាល់បើកឆាកកើតឡើងនៅនាទី ៤៣ ពេលដែល Franck Kessie មានឱកាសស៊ុតបាល់ ១១ ម៉ែត្រ ហើយរំលងដល់តង់ទីពីរនាទី ៥០ ទើប Jordan Veretout មានឱកាសតាមស្មើមួយគ្រាប់វិញ។ លុះមិនបាន ១០ នាទីផងនោះ ស្រាប់តែ Ante Rabic រកបានមួយគ្រាប់នាំមុខ និងរក្សាលទ្ធផលដល់បញ្ចប់ការប្រកួត៕
ទស្សនាវីដេអូខាងក្រោម៖