ការប្រកួតនៅឯកីឡដ្ឋាន Stamford Bridge កាលពីយប់មិញនៅជំនួបរវាងក្រុមតោខៀវ Chelsea និងបិសាចក្រហម Manchester United បានបញ្ចប់ទៅក្រោមលទ្ធផល ០-០។ ការចែកម្នាក់ ១ ពិន្ទុនាំឲ្យ United បច្ចុប្បន្នមាន ៥០ ពិន្ទុ រីឯ Chelsea មាន ៤៤ ពិន្ទុ។
ក្រឡេកទៅមើលស្ថិតិការប្រកួត ក្រុមដឹកនាំដោយលោក Thomas Tuchel នៅតែបន្តធ្វើបានល្អទាំងសាច់គ្រប់គ្រងបាល់ និងការស៊ុត ដោយម្ចាស់ផ្ទះគ្រប់គ្រងបាន ៥៨ ភាគរយ តាមរយៈការបញ្ជូនចេញពីជើង ៦០៨ លើក មានឱកាសស៊ុត ១៨ លើក ចំគោលដៅ ៦ លើកធំៗ។
រីឯក្រុមភ្ញៀវអត្រាបញ្ជូនបាល់ជោគជ័យ ៨២ ភាគរយ នៅចំណោមការបញ្ជូនសរុប ៤៤៥ លើក ហើយស៊ុត ១១ លើក ចំគោលដៅ ៤ លើក។
ទស្សនាវីដេអូខាងក្រោម៖
បញ្ជាក់ថា ជាមួយការមិនទទួលរងបរាជ័យនៅសារនេះដែរ សម្រាប់ United គឺមិនទាន់ចាញ់ ២០ ប្រកួតហើយក្នុងលីគនៅក្រៅដី ដោយឈ្នះ ១៣ និង ស្មើ ៧ ពោលជាក្រុមទី ៥ ដែលរក្សាស្ថិតិបានយូរបំផុតធៀបនឹងក្រុមទី ១ គឺ Arsenal ធ្វើបាន ២៧ ប្រកួតម្តង និង ២៣ ប្រកួតម្តង៕