នៅយប់នេះវេលាម៉ោង ១០:១៥ នាទី លើទំព័រ CTS Sports នឹងមានការផ្សាយផ្ទាល់នៅជំនួបរវាង Sevilla និង Barcelona ដែលជាប្រកួតជុំទី ២៥ សម្រាប់អ្នកមានបុណ្យ និង ជុំទី ២៤ សម្រាប់ក្រុមម្ចាស់ផ្ទះ។
មុនឈានដល់ការប្រកួត យើងធ្វើការបង្ហាញពីស្ថិតិ និងលទ្ធផលព្យាករណ៍ដែលអាចនឹងកើតឡើងនៅរាត្រីនេះ។ សម្រាប់ក្រុមទាំងពីរនៅ ៥ ប្រកួតចុងក្រោយធ្វើបានល្អប្រហែលគ្នា ដោយ Barcelona ឈ្នះ ៤ ស្មើ ១ ហើយ Sevilla ឈ្នះទាំង ៥។
ការលេងក្នុងដីនៅ ១៣ ប្រកួតចុងក្រោយទល់ Barcelona គឺ Sevilla ឈ្នះតែ ១ ប៉ុណ្ណោះ ហើយស្មើ ៥ និងចាញ់ ៧ នេះបើរាប់តាំងពីខែតុលា ឆ្នាំ ២០១៥ ប៉ុន្តែមើលតាមការលេងបច្ចុប្បន្នក្នុងដីនៅ ៥ ប្រកួតចុងក្រោយក្របខ័ណ្ឌ La Liga ទល់ក្រុមនានា គឺ Sevilla ឈ្នះទាំង ៥ ដែលវាជាស្ថិតិល្អខ្លាំង នាំឲ្យយើងហ៊ានព្យាករណ៍ថា យប់នេះអាចនឹងស្មើ គឺ ១-១។
សម្រាប់សមាសភាពកីឡាករអាចនឹងប៉ះគ្នាយប់នេះមានដូចខាងក្រោម៖
Sevilla: Bounou; Navas, Kounde, Carlos, Rekik; Jordan, Fernando, Rakitic; Suso, En-Nesyri, Munir
Barcelona: Ter Stegen; Dest, Pique, Lenglet, Alba; De Jong, Busquets, Pedri; Griezmann, Messi, Dembele
ប្រភព៖ Sportsmole