លោក Mauricio Pochettino អ្នកចាត់ការក្រុម PSG បានបញ្ជាក់ថាខ្សែប្រយុទ្ធ Neymar កំពុងសម្រាកព្យាបាលរបួស ហើយទំនងជាជាសះស្បើយទាន់ពេលល្មមសម្រាប់ការប្រកួតទល់ក្រុម Barcelona ជើងទី២។
Neymar អវត្តមានជាច្រើនសប្ដាហ៍មកហើយ ក្រោយពីរងរបួសពេលលេងទល់ក្រុម Caen ។ រូបគេបានខកខានប្រកួតទល់ក្រុម Barcelona ដែលគ្រានោះ PSG យកឈ្នះក្នុងលទ្ធផល ៤-១ ជើងទី១ពានរង្វាន់ UEFA Champions League ។ ខណៈដែលជើងទី២ធ្វើឡើងនៅថ្ងៃទី១០ខែមីនាឆ្នាំ២០២១ខាងមុខនេះវិញ កីឡាករប្រេស៊ីលរូបនេះទំនងជាសះស្បើយទាន់ល្មមតែម្ដង។
Pochettino បាននិយាយថា៖ “Ney កំពុងបន្ដធ្វើតាមក្រុមគ្រូពេទ្យរបស់យើង។ គាត់កំពុងស្ថិតក្នុងពេលវេលាល្អ គាត់កំពុងធូរស្បើយច្រើន និងវិលត្រលប់មកវិញហើយ។ គាត់នឹងជាសះស្បើយទាន់ពេលល្មមតែម្ដង”៕ប្រភព Goal
