លោក Jose Mourinho បានអះអាងថាខ្សែប្រយុទ្ធ Gareth Bale ចាប់ផ្ដើមលេងល្អ និងមានទំនុកចិត្តឡើងវិញហើយ ក្រោយពីបង្ហាញទម្រង់លេងល្អនាប៉ុន្មានប្រកួតមកនេះ។
Bale មើលទៅកំពុងស្រែកឃ្លានឱកាសក្នុងការលេងនៅទីលានឡើងវិញ នៅ៣ប្រកួតមកនេះ ដោយរកបានដល់ទៅ២គ្រាប់ឯណោះ។ ការបង្ហាញទម្រង់លេងល្អប្រសើរនេះហើយ ទើបបានជាលោក Jose Mourinho និយាយថាខ្សែប្រយុទ្ធជម្រើសជាតិវែលរូបនេះ ហាក់ដូចជាល្អប្រសើរជាងកាលមកដំបូងហើយ ដោយមានចិត្តក្នុងការចង់លេងឱ្យក្រុមច្រើន។
លោក Jose បានបន្ថែមថានៅពេលកីឡាករមានអារម្មណ៍លេង១០០% នោះរូបគេនឹងមិនមានអារម្មណ៍ភ័យខ្លាចអ្វីនោះទេ។ ពួកគេនឹងប្រឹងប្រែងដើម្បីបង្ហាញសមត្ថភាពលើទីលាន ដើម្បីជួយក្រុមនិងស្វែងរកឱកាសដើម្បីជាប់ជម្រើសដំបូងនាប្រកួតបន្ទាប់ទៀត។ Bale កំពុងតែល្អឡើងវិញហើយ៕ប្រភព Dailymail
