លោក Jurgen Klopp ជឿជាក់ថាក្រុម Liverpool បើសិនអាចនៅក្នុង Top4 បាននារដូវកាលនេះ គឺជារឿងល្អបំផុតហើយ ព្រោះទម្រង់លេង កីឡាកររបួសច្រើនណាស់។
ក្រុម Liverpool នៅសល់១៣ប្រកួតទៀតនារដូវកាលនេះ ដើម្បីសម្រេចថាខ្លួននឹងត្រូវឈរនៅលេខរៀងទីប៉ុន្មានក្នុងតារាង Premier League ។ ដោយការប្រកួតនៅសល់នេះដែរ លោក Klopp ជឿជាក់ថានឹងមានផលលំបាកសម្រាប់ក្រុមលោកដើម្បីចូលក្នុង Top4 មិនខាន ព្រោះក្រុមដទៃទៀតដែលកំពុងប្រជែងដែរនោះ គេបានរៀបចំក្រុមល្អដែរ។
អ្នកចាត់ការអាល្លឺម៉ង់ខាងលើបាននិយាយថា៖ “ត្រូវហើយ វានឹងក្លាយជាការសម្រេចបានដ៏ធំមួយ។ មើលតាមតារាងទៅឃើញហើយ។ យើងនឹងព្យាយាមស្វែងរកពិន្ទុឱ្យបានច្រើន ប៉ុន្ដែអំឡុងពេលយើងព្យាយាមនេះក៏មានបញ្ហាចូលមកដែរ គឺរឿងកីឡាកររបួសតែម្ដង”៕ប្រភព Dailymail