នាយកគ្រប់គ្រងផ្នែកកីឡារបស់ក្លឹប Paris Saint-Germain លោក Leonardo បាននិយាយកាលពីពេលកន្លងទៅនេះថា Kylian Mbappe និងកីឡាករ ៣ រូបឯទៀតកំពុងស្ថិតក្នុងការពន្លឿនល្បឿននៃការចរចាពីសំណាក់ភាគីក្លឹប ដើម្បីចង់បន្តកុងត្រាថ្មីដល់ពួកគេ។
ក្លឹបបារាំងហាក់មិនចង់បាត់បង់តារាឆ្នើមទាំងនោះឡើយ ជាពិសេសគឺរារាំងមិនឲ្យក្លឹបដទៃចូលមកចែចូវបានមុន។ លោក Leonardo និយាយ ប្រាប់ France Bleu៖ “ខ្ញុំពិតជាភ្ញាក់ផ្អើលជាមួយដំណឹងមួយចំនួនជុំវិញរឿងរ៉ាវ Mbappe ដោយគេនៅស្ថិតមួយរដូវកាលពេញ [លើកុងត្រាសេសសល់] ហើយគេជាចំណែកដ៏សំខាន់បំផុតរបស់ក្លឹប ពេលនេះយើងបានជជែកជាមួយគេ និងពេលវេលាសម្រេចចិត្តបានចូលមកដល់ហើយ”។
បន្តដល់ ៣ រូបផ្សេងទៀតលោកបន្ថែម៖ “យើងក៏បានជជែកជាមួយ Neymar ដែលយើងកំពុងដើរលើផ្លូវត្រូវ ត្បិតបើកុងត្រាមិនទាន់ចុះហត្ថលេខា តែយើងកំពុងមានទំនាក់ទំនងល្អ ហើយគោលដៅគឺចង់ធ្វើឲ្យបានឆាប់រហ័ស ជាងនេះក៏នឹងមានការជជែកជាមួយ Angel di Maria និង Juan Bernat ដែលយើងចង់បានកុងត្រាថ្មីសម្រាប់ពួកគេទាំងបួន”៕
ប្រភព៖ Marca