ក្រុម Manchester City បានយកឈ្នះលើក្រុម Borussia Monchengladbach ក្នុងលទ្ធផល ២-០ សម្រាប់ការប្រកួតពានរង្វាន់ UEFA Champions League ជើងទី១ វគ្គ១៦ក្រុមចុងក្រោយ។
នេះជាជ័យជម្នះ១៩ដងជាប់គ្នារបស់ក្រុម Man City ហើយអ្នកវិភាគជាច្រើនមើលឃើញថាក្រុមនេះទំនងជាមានភាគរយខ្ពស់ណាស់ក្នុងការឈ្នះពាន Champions League ។ តែបើតាមសម្ដីរបស់លោក Pep វិញ មើលឃើញថាមិនមែនជា Man City ទេដែលជាក្រុមទំនងឈ្នះពាននោះ ព្រោះមានក្រុមមួយទៀតធ្វើបានល្អជាង Man City ទៅទៀត។
លោក Pep បាននិយាយថា៖ “ពេលខ្ញុំឃើញ Bayern Munich ខ្ញុំមិនគិតថាយើងជាក្រុមសមឈ្នះពានរង្វាន់នោះទេ។ គោលដៅខ្ញុំគឺប៉ះក្រុម West Ham នៅ៣ថ្ងៃទៀតនេះ។ ប្រសិនបើមានគេនិយាយថាយើងសមឈ្នះពាន យើងនឹងទទួល ប៉ុន្តែយើងចាំមើលក្រុមអាចឡើងដល់ពាក់កណ្ដាលផ្ដាច់ព្រ័ត្រសិន”៕
ប្រភព៖ Goal