ក្រុមអធិរាជស Real Madrid បានយកឈ្នះលើក្រុម Atalanta ដែលមានគ្នាត្រឹម១០នាក់ក្នុងលទ្ធផល១-០ សម្រាប់ការប្រកួតពានរង្វាន់ UEFA Champions League ជើងទី១វគ្គ១៦ក្រុមចុងក្រោយ។
ក្រុមម្ចាស់ផ្ទះ Atalanta គ្រាន់តែបើកការប្រកួតភ្លាម ស្រាប់តែមានកីឡាករម្នាក់ទទួលបានកាតក្រហមទៅហើយ។ ការលេងមានគ្នាត្រឹម១០នាក់ទល់ក្រុម Real Madrid ពិតជាធ្វើឱ្យពួកគេពិបាកយកឈ្នះមែន។ តែក៏មិនឱ្យក្រុម Real Madrid យកឈ្នះបានក្នុងលទ្ធផលស្រួលៗផងដែរ។ ជាក់ស្ដែង ក្រុមរបស់លោក Zidane ត្រូវការពេលដល់នាទី៨៦ឯណោះ ទើបរកបាន១គ្រាប់ដែលជាគ្រាប់បាល់ជ័យជម្នះ។
១គ្រាប់នោះធ្វើបានសម្រេចដោយខ្សែការពារ Mendy ដែលស៊ុតពីចម្ងាយបញ្ចូលទីយ៉ាងស្អាតតែម្ដង។ យ៉ាងណាមិញឈ្នះ ១-០ នេះក៏មិនទាន់ធានាអ្វីបានសម្រាប់ក្រុម Real Madrid ដែរ ព្រោះការប្រកួតនៅសល់ជើងទី២មួយទៀត៕
ប្រភព៖ DailyMail