លោក Zidane អ្នកចាត់ការក្រុម Real Madrid បានអះអាងថាសប្បាយចិត្តជាមួយកូនក្រុមដែលមានបច្ចុប្បន្ន ដោយមិនត្រូវគិតទៅលើកីឡាករដែលអវត្តមានដោយសាររបួសនោះទេ។
ក្រុម Real Madrid នឹងត្រូវប៉ះជាមួយក្រុម Atalanta នៅរាត្រីនេះក្នុងពានរង្វាន់ UEFA Champions League ជើងទី១វគ្គ១៦ក្រុមចុងក្រោយ។ ប្រកួតនេះដែរ ក្រុមអធិរាជសមានកីឡាករសំខាន់ៗរបួសច្រើនមែនទែន រហូតដល់ Zidane កោះហៅថ្នាលយុវជនជាច្រើនមកជួយក្រុមធំក្នុងការប្រកួតនៅទឹកដីអ៊ីតាលី។
ត្បិតតែមានយុវជនច្រើនមែន ប៉ុន្ដែសម្រាប់លោក Zidane បាននិយាយថា៖ “អ្នកនិយាយពីកីឡាកររបួសរហូត ប៉ុន្តែខ្ញុំសប្បាយចិត្តជាមួយកីឡាករដែលខ្ញុំមានក្នុងដៃបច្ចុប្បន្ន។ យើងនឹងចេញទៅក្រៅដើម្បីឈ្នះការប្រកួត យើងនឹងមិនសប្បាយចិត្តទេ បើសិនមិនទទួលបានជ័យជម្នះ”៕ប្រភព Marca
