ក្រុម Manchester City នឹងត្រូវតតាំងជាមួយក្រុម Borussia Monchengladbach នៅម៉ោង៣រំលងអាធ្រាត្រនេះ ក្នុងពានរង្វាន់ UEFA Champions League វគ្គ១៦ក្រុមចុងក្រោយ ជើងទី១។
មុនការប្រកួតនេះដែរ លោក Pep Guardiola បាននិយាយពីការត្រៀមខ្លួនថា៖ “យើងរៀបចំដូចធម្មតា ដូចប្រកួតធម្មតាដែរ។ យើងមិនមានការផ្លាស់ប្ដូរអ្វីច្រើនទេ។ យើងមិនធ្លាប់ប៉ះពួកគេទេ ព្រោះពួកគេជាក្រុមនៅអាល្លឺម៉ង់ ប៉ុន្តែយើងនឹងលេងតាមក្បួនរបស់យើង។ ខ្ញុំជឿជាក់លើក្រុម ថានឹងអាចឆ្លងផុតវគ្គនេះបាន។ Gladbach ជាក្រុមល្អមួយ ហើយវានឹងក្លាយជាប្រកួតល្អមើលនៅរាត្រីនេះ”។
រំលឹកថាក្រុម Man City កំពុងឡើងជើងខ្លាំងមែនទែន។ ពួកគេមានកំណត់ត្រាមិនចាញ់១៨ប្រកួតមកហើយ និងកំពុងឈរនៅកំពូលតារាង Premier League ដាច់១០ពិន្ទុពីក្រុមលេខ២Manchester United ៕ប្រភព Bitterandblue
