ក្រុម Atalanta នឹងត្រូវស្វាគមន៍ក្រុម Real Madrid នៅម៉ោង៣ទាបភ្លឺនេះ សម្រាប់ការប្រកួតពានរង្វាន់ UEFA Champions League ជើងទី១វគ្គ១៦ក្រុមចុងក្រោយ។
សម្រាប់ការប្រកួតនេះដែរ ក្រុម Real Madrid មានកីឡាកររបួសច្រើនមែនទែន ដែលសុទ្ធសឹងជាកីឡាករសំខាន់ៗរបស់ក្រុមនៅជម្រើសដំបូង។ ត្បិតតែរបួសច្រើនយ៉ាងនេះមែន ប៉ុន្តែសម្រាប់ក្រុម Atalanta នៅតែមិនអាចមើលស្រាលលើក្រុមរបស់លោក Zidane ដដែល ព្រោះពួកគេជាក្រុមមានបទពិសោធច្រើនក្នុងការលេងនៅ Champions League នេះ។
បើតាមខ្សែប្រយុទ្ធ Luis Muriel របស់ក្រុម Atalanta បាននិយាយថា៖ “យើងបានមើលប្រកួតកន្លងទៅរបស់ពួកគេ។ ពួកគេមានកីឡាកររបួស ប៉ុន្តែពួកគេនៅតែជាក្រុម Real Madrid ។ ពួកគេតែងតែធ្វើបានល្អជានិច្ចសម្រាប់ការប្រកួតសំខាន់ៗ។ ពួកគេជាក្រុមល្អមួយនៅលើលោកនេះ យើងមិនអាចមើលស្រាលពួកគេបានឡើយ”៕ប្រភព Marca
