• PSG ​ចង់​បាន Rakitic ​ក្នុង​តម្លៃ​១២៥​លាន​អឺរ៉ូ

    ក្លឹប PSG ​បាន​ចាប់​អារម្មណ៍​ទៅ​លើ​ខ្សែ​បម្រើ Rakitic ​របស់​ក្លឹប Barcelona ​ដោយ​បាន​បោះ​សម្ដី​១២៥​លាន​អឺរ៉ូ ​ដើម្បី​ទិញ​ផ្ដាច់​កុងត្រា​កីឡាករ​ក្រូអាត​រូប​នេះ។

    ត្បិត​តែ​យ៉ាង​នេះ​មែន ​ក្រុម​អ្នក​មាន​បុណ្យ​ប្រហែល​ជា​មិន​ចង់​បាន​លុយ​នេះ​ឡើយ ត្បិត​អី Rakitic ​ជា​ខ្សែ​បម្រើ​សំខាន់​ម្នាក់​ដែរ ​ក្នុង​នោះ​។ លោក  Ernesto Valverde ​អ្នក​ចាត់ការ​ក្រុម​បាន​បញ្ជាក់​ថា​លោក​មិន​ចង់​ឮ​ការ​ចាកចេញ​របស់​កីឡាករ​វ័យ​៣០​ឆ្នាំ​រូប​នេះ​ឡើយ។ រូបគេ​ជា​តួ​អង្គ​សំខាន់​ម្នាក់​ក្នុង​ក្រុម​ទាំង​មូល ​ដូច​ដែល​អ្នក​គាំទ្រ​ទាំង​អស់​បាន​ឃើញ​ស្រាប់​ហើយ។

    រឿង​មួយ​ទៀត​ដែល​ធ្វើ​ឱ្យ PSG ​ពិបាក​ក្នុង​ការ​នាំ​យក Rakitic ​ពី​អេស្ប៉ាញ​នោះ ​គឺ​ពួកគេ​កំពុង​ប្រឈម​មុខ​ខ្លាំង​ជាមួយ​ Financial Fair Play ​(ការ​ចំណាយ​ឱ្យ​មាន​កម្រិត) ​របស់​ខាង FIFA ​បាន​ចែង។ ​ការ​ជួប​នេះ គឺ​ដោយសារ​តែ​ក្រុម​អ្នក​មាន​នៅ​បារាំង ​បាន​ចាយ​លុយ​លើសលប់​ទៅ​លើ​ការ​ទិញ​យក Neymar ​និង​ Kylian Mbappe ​កាល​ពី​រដូវ​កាល​មុន​នេះ។ ប្រសិន​បើ​ចង់​ចាយ​ជាង​១០០​លាន​អឺរ៉ូ​ទៀត ​នោះ PSG ​នឹង​ត្រូវ​លក់​កីឡាករ​ច្រើន​នាក់ ​ដើម្បី​បាន​ប្រាក់​ប្រហាក់​ប្រហែល​នេះ​មក​វិញ។

    សូម​បញ្ជាក់​ថា​ទីផ្សារ​ដោះដូរ​កីឡាករ​នៅ​អេស្ប៉ាញ ​នឹង​បិទ​នៅ​ថ្ងៃ​៣០​ខែ​នេះ​ហើយ ដូច្នេះ​ក្លឹប​ទាំង​អស់ ​មាន​ឱកាស​ទិញ​ដូរ​កីឡាករ​តែ​ប៉ុន្មាន​ថ្ងៃ​ទៀត​ទេ៕ប្រភព៖ MARCA

     

     

    ភ្ជាប់ទំនាក់ទំនងជាមួយ CTS SPORT