ក្រុម Spurs ចាប់ផ្ដើមស្វែងរកអ្នកចាត់ការថ្មីទៅហើយ បន្ទាប់ពីលោក Jose Mourinho ដឹកនាំក្រុមមិនបានល្អទាល់តែសោះនៅប៉ុន្មានប្រកួតចុងក្រោយមកនេះ។
ក្រុម Spurs បានបរាជ័យ៥ប្រកួតក្នុងចំណោម៦ប្រកួតចុងក្រោយរបស់ពួកគេ។ សម្ពាធនេះហើយ បានធ្វើឱ្យកៅអីអ្នកចាត់ការ Jose ឡើងកម្ដៅខ្លាំង ហើយប្រឈមនឹងការដកចោលទៀត ប្រសិនបើលោកនៅតែមិនអាចស្វែងរកជ័យជម្នះបាននោះទេ។ ស្របពេលថ្នាក់ដឹកនាំក្រុម Spurs វិញ ក៏បានស្វែងរកអ្នកចាត់ការថ្មីមកជំនួសរួចស្រេចទៅហើយដែរ។
អាជីពដឹកនាំរបស់លោក Jose Mourinho ចាប់ផ្ដើមមានបញ្ហាជាប់ជានិច្ច ដោយត្រូវក្លឹបជាច្រើនបណ្ដេញចេញជាបន្ដបន្ទាប់។ អ្នកចាត់ការល្បីឈ្មោះខាងលើនេះ ចូលដឹកនាំក្រុម Spurs កាលពីរដូវកាលមុន ហើយដើមរដូវកាលនេះក៏ឃើញថាលេងល្អដែរ តែប៉ុន្មានប្រកួតចុងក្រោយបែរជាបរាជ័យមិនស្វាងទៅវិញ៕ប្រភព Dailymail