Clement Lenglet បានបង្កកំហុសដែលបណ្តោយឲ្យក្រុម Cadiz អាចតាមស្មើយក ១ ពិន្ទុនៅបាល់ចុងម៉ោងពីក្លឹប Barcelona ហើយក៏មានមតិរិះគន់ជាច្រើនទៅលើខ្សែការពាររូបនោះ។
យ៉ាងណាមិញក្រឡេកមកការយល់ឃើញរបស់ Jeremy Mathieu អតីតកីឡាករនៅក្លឹប Barcelona ដែលធ្លាប់ជួបប្រទះរឿងស្រដៀងគ្នានេះ បាននិយាយថាគេពិតជាយល់អារម្មណ៍ដ៏សោក.សង្រេងរបស់ Lenglet ច្បាស់ជាងនរណាទាំងអស់។
ប្រាប់ RAC1 លោក Mathieu និយាយ៖ “ខ្ញុំធ្លាប់មានពេលវេលាអាក្រក់កាលពីឆ្នាំមុននៅ Barcelona ហើយខ្ញុំមានអារម្មណ៍ថាបរាជ័យនៅ Turin គឺជាកំហុសរបស់ខ្ញុំ ប៉ុន្តែខ្ញុំមិនយល់ថាហេតុអ្វីគ្រប់គ្នាទម្លាក់មកខ្ញុំប្រៀបបានខ្ញុំទៅនឹងកីឡាករ ១១ នាក់លេងលើទីលាន ខ្ញុំពិតជាមានអារម្មណ៍ថាឯកានៅបន្ទប់ផ្លាស់សំលៀកបំពាក់ពេលនោះ”។
លោកបន្ថែមថា៖ “ខ្ញុំគ្មាននរណាគាំទ្រ ហើយសម្រាប់ខ្ញុំវាពុំមែនជាបាល់ទាត់នោះទេ ដោយពេលនេះដូចគ្នាអ្នករាល់គ្នាកំពុងសម្លាប់ទឹកចិត្ត Lenglet ហើយខ្ញុំដឹងថាវាជាអារម្មណ៍បែបណា ដោយគេមានតែព្យាយាមរក្សាចិត្តវិជ្ជមាន ហើយផ្លាស់វាឲ្យមកជារឿងល្អបំផុតវិញប៉ុណ្ណោះ”៕
ប្រភព៖ Marca