ស្នងការលីគកំពូលហ្វីលីពីនលោក លោក Coco Torre បានបញ្ជាក់ថាការប្រកួតបាល់ទាត់ហ្វ៊ីលីពីន (PFP) ឆ្នាំ ២០២១ នឹងមានក្រុមចំនួន ២ បន្ថែមទៀត។
លោក Torre បានបញ្ជាក់ថាក្រុម Loyola FC និងក្រុម Lao FC បច្ចុប្បន្នកំពុងស្ថិតក្នុងដំណើរការនៃការទទួលបានអាជ្ញាប័ណ្ណប្រតិបត្តិការ សម្រាប់បាល់ទាត់លំដាប់កំពូលរបស់ប្រទេសដែលនឹងចាប់ផ្តើមនៅខែឧសភាឆ្នាំនេះ។ លោកបានមានប្រសាសន៍ថា៖
“ ក្រុមចំនួនពីរបានផ្ញើលិខិតចង់ចូលរួមរបស់ពួកគេរួចហើយគឺ Loyola FC និងក្រុម Lao FC។ តាមពិតទៅ! ក្រុម Lao FC កំពុងកែតម្រូវតម្រូវការអាជ្ញាប័ណ្ណរបស់ពួកគេរួចហើយ។ យើងក៏គ្រោងនឹងជួបជាមួយ Loyola FC នៅសប្តាហ៍ក្រោយ។ ជាការពិតយើងចង់មានការប្តេជ្ញាចិត្តយូរជាងនេះ” ។
Loyola FC ធ្លាប់លេងនៅលីគបាល់ទាត់កំពូលហ្វីលីពីនដែរប៉ុន្តែបានបោះបង់ចោលនៅឆ្នាំ ២០១៨ ស្របពេលដែលក្រុម Laos FC ធ្លាប់លេងក្នុងក្របខ័ណ្ឌលីកទី២ UFL Division 2 កាលពីឆ្នាំ២០១៥។
“ អ្វីដែលអស្ចារ្យគឺថាសូម្បីតែក្នុងកំឡុងពេលមានរោគរាតត្បាតនេះ យើងនៅតែឃើញការរីកចម្រើននិងការចាប់អារម្មណ៍ពីក្រុមជាច្រើន។ យើងនឹងឃើញលីកមួយដែលមានស្ថិរភាពនិងរីកលូតលាស់»។
កាលពីការប្រកួត PFL ប្រចាំឆ្នាំ ២០២០ មានក្រុមចំនួន ៦ ប្រកួតតែមួយជុំហើយក្រុម United City ក្លាយជាម្ចាស់ជើងឯក៕