ក្រុមសេដ្ឋីបារាំង Paris Saint-Germain មិនអាចយកឈ្នះទៅលើ Monaco បាននោះទេកាលពីយប់មិញ ដោយទទួលរងបរាជ័យក្រោមលទ្ធផល ២-០។
ខាងក្រុម PSG មិនមានវត្តមាន Neymar នោះទេកាលពីយប់មិញ ហើយ Mbappe លេងនៅតំណែងប្រយុទ្ធស្លាបឆ្វេង រីឯ Keane ប្រយុទ្ធស្លាបស្តាំ និង Icardi នៅប្រយុទ្ធកណ្តាល។ យ៉ាងណាមិញអ្នកទាំងបីមានឱកាសស៊ុតចំគោលដៅទៅលើ Monaco តែ ១ ជើងគត់នៅចំណោម ១០ ជើងសរុប។
ក្រោយចប់ការប្រកួតលោក Pochettino ដែលជាអ្នកចាត់ការ បាននិយាយការពារកូនក្រុមរបស់ខ្លួនជាពិសេសគឺ Mbappe បែបនេះថា៖ “ថ្ងៃនេះមិនមែនតែ Kylian ទេ តែគឺក្រុមទាំងមូលដែលមិនបានលេងនៅកម្រិតដ៏ខ្ពស់ តែខ្ញុំចង់និយាយថា អ្នកដែលទទួលខុសត្រូវលើបរាជ័យនេះដំបូងបង្អស់នោះគឺជាអ្នកចាត់ការ ដោយខ្ញុំសូមទទួលខុសត្រូវលើរឿងនេះទាំងស្រុង”។
លោកបន្ថែមទៀតថា៖ “នៅពេលយើងបរាជ័យ មនុស្សដំបូងដែលត្រូវទទួលខុសគឺជាអ្នកចាត់ការ ហើយខ្ញុំសូមទទួលយកទាំងស្រុង”។
បញ្ជាក់ដែរថា Monaco ក្រោយយកបាន ៣ ពិន្ទុពួកគេក៏តាមប្រកិត PSG នៅចំណាត់ថ្នាក់ Top 4 ដោយចាញ់ ២ ពិន្ទុ ហើយក្រុម Lyon មាន ៥៥ ពិន្ទុ និង Lille មាន ៥៨ ពិន្ទុនៅតារាង Ligue 1៕
ប្រភព៖ AF