ក្រុម West Ham បានយកឈ្នះលើក្រុម Spurs ក្នុងលទ្ធផល ២-១ ដើម្បីកក់កៅអីក្នុងតំបន់ Top4 បានសម្រេចហើយកាលពីយប់មិញនេះ។
ក្រោមការដឹកនាំរបស់លោក David Moyes ក្រុម West Ham លេងកាន់តែល្អឡើងហើយ។ ជាក់ស្ដែងនៅយប់មិញនេះ ពួកគេបានយកឈ្នះលើក្រុម Spurs របស់លោក Jose Mourinho បានទៀតក្នុងលទ្ធផល ២-១។ ដោយ២គ្រាប់នោះរកបានដោយ Michail Antonio និង Lingard ។ ខណៈដែល១គ្រាប់របស់ក្រុម Spurs វិញ រកបានដោយ Lucas Moura ។
ការទទួលបាន៣ពិន្ទុនេះ ក្រុម West Ham បានហក់ឡើងទៅលេខ៤ក្នុងតារាង Premier League ហើយ ដោយទម្លាក់ក្រុម Chelsea ឱ្យមកលេខ៥វិញ។ នេះជាសញ្ញាល្អបំផុតមួយសម្រាប់ក្រុមរបស់លោក Moyes ព្រោះគោលដៅរបស់ក្រុមមួយនេះ គឺចង់រក្សាខ្លួនក្នុងតំបន់ Top4 នេះតែម្ដង៕
ប្រភព៖ DailyMail