ក្រុម Liverpool បានដកខ្លួនពីការប្រជែងពានរង្វាន់ Premier League នារដូវកាលនេះហើយទៅហើយ ក្រោយពីបរាជ័យផ្ទួនៗគ្នា ធ្វើឱ្យគម្លាតពិន្ទុពីកំពូលតារាងឆ្ងាយខ្លាំងមែនទែន។
ទន្ទឹមគ្នានេះដែរ លោក Jurgen Klopp អ្នកចាត់ការក្រុមហង្សក្រហម បានអះអាងថាកីឡាកររបួស ដោយសារមិនមានពេលសម្រាកគ្រប់គ្រាន់ ស្របពេលមេរោគកូវីដ១៩ថែមមកមួយជាន់ទៀតនោះ ធ្វើឱ្យក្រុមខ្លួនលេងមិនល្អនោះទេ។ តែរដូវកាលនេះ បើសិនជាមិនមានរឿងរ៉ាវទាំងនេះកើតមានទេ នោះក្រុម Liverpool នឹងកៀកពិន្ទុក្រុម Man City ប្រជែងពានជាក់ជាមិនខាន។
រំលឹកថាតាំងពីបើករដូវកាលមក កីឡាករក្រុម Liverpool ច្រើននាក់មែនទែនបានរងរបួស ហើយសុទ្ធតែត្រូវការពេលយូរដើម្បីព្យាបាលថែមទៀត។ ជាក់ស្ដែងដូចជា Virgil van Dijk, Joe Gomez និង Joel Matip ជាដើមដែលសុទ្ធតែជាកីឡាករជម្រើសដំបូង បានរងរបួសមិនអាចជួយក្រុមបាននោះទេ៕ប្រភព Goal
