ទាំងBarcelona និង Juventus បានទទួលរងបរាជ័យដូចគ្នានៅការប្រកួតជើងទី ១ វគ្គ ១៦ ក្រុមចុងក្រោយ Champions League ដោយ Barca ចាញ់ PSG ៤-១ ហើយ Juventus ចាញ់ Porto ២-១។
ក្រោយចប់ការប្រកួត តារាឆ្នើម Lionel Messi និង Cristiano Ronaldo បានក្លាយជាប្រធានបទដែលអ្នកគាំទ្រជាច្រើនលើកយកមកនិយាយ។ សូម្បីតែគ្រូតាលោក Arsene Wenger ក៏និយាយពាក់ព័ន្ធនឹងបរាជ័យនោះដែរ ហើយថាដើមចមគឺដោយសារក្រុមលេងពឹងផ្អែកតែលើកីឡាករឆ្នើមម្នាក់ ហើយមិត្តរួមក្រុមឯទៀតពួកគេលេងមិនបានល្អគ្រប់គ្រាន់។
អតីតអ្នកចាត់ការសញ្ជាតិបារាំងនិយាយប្រាប់ beIN Sports បែបនេះថា៖ “វាជាបញ្ហាដែល [Juventus] លេងពឹងផ្អែកតែលើ Ronaldo ម្នាក់ ហើយនេះបង្ហាញថាកីឡាករនៅជុំវិញគេឯទៀតគឺលេងមិនបានល្អគ្រប់គ្រាន់”។
លោកបន្ថែម៖ “វាដូចគ្នាសម្រាប់ Messi ប្រសិនក្រុមពឹងផ្អែកតែលើ Messi ម្នាក់នោះគឺកីឡាករជុំវិញខ្លួនគេលេងមិនកើតហើយ”៕ ប្រភព៖ Sportskeeda