ខ្សែប្រយុទ្ធ Luis Suarez បានបញ្ជាក់យ៉ាងច្បាស់ថាខ្លួននឹងបន្ដលេងបាល់ទាត់ជាច្រើនឆ្នាំទៀត មិនទាន់គិតចង់ចូលនិវត្តន៍អ្វីនោះទេ។
កីឡាករវ័យ៣៤ឆ្នាំខាងលើកាលពីលេងឱ្យក្រុម FC Barcelona និងមិនត្រូវបានលោក Ronald Koeman ប្រើប្រាស់នោះ មានមតិជាច្រើនយល់ឃើញថារូបគេដល់ពេលត្រូវចូលនិវត្តន៍ហើយ ព្រោះមិនគួរទៅលេងនៅក្រុមណាទៀតទេ។ តែផ្ទុយទៅវិញ អតីតកីឡាករ Liverpool រូបនេះសម្រេចចិត្តមកលេងនៅ AT Madrid ហើយថែមទាំងបង្ហាញគ្រប់គ្នាថារូបគេនៅមានសមត្ថភាពគ្រប់គ្រាន់ក្នុងនាមជាកីឡាករឆ្នើមម្នាក់។
Suarez បាននិយាយថា៖ “គ្មាននរណាអាចបញ្ជាខ្ញុំបានឡើយ។ ខ្ញុំនៅមានអារម្មណ៍សប្បាយចិត្តជាមួយបាល់ទាត់នៅឡើយ។ នៅទីនេះ គ្មាននរណាយល់ថាខ្ញុំនៅធ្វើបានល្អទេ ប៉ុន្តែខ្ញុំជឿជាក់លើខ្លួនឯងថាខ្ញុំនៅអាចធ្វើបាន។ ខ្ញុំនៅអាចលេងបានច្រើនឆ្នាំទៅមុខទៀត មិនទាន់គិតរឿងចូលនិវត្តន៍ទេ”៕
ប្រភព៖ DailyMail