គូពិសេសប្រចាំព្រឹត្តិការណ៍ Europa League ជើងទី ១ វគ្គ ៣២ ក្រុមចុងក្រោយ កាលពីយប់មិញ រវាង Real Sociedad និង Manchester United យើងបានដឹងលទ្ធផលហើយនោះគឺក្រុមភ្ញៀវយកឈ្នះ ៤-០។
Man Utd ធ្វើបានយ៉ាងល្អតាមរយៈការលេងនៅទឹកដីកណ្ដាល Juventus Stadium កាលពីយប់មិញ ដោយពួកគេមានឱកាសស៊ុតដល់ទៅ ១៣ លើក ជាពិសេសចំគោលដៅ ១០ លើក ត្បិតបើគ្រប់គ្រងបាល់តិចជាងត្រឹម ៤០ ភាគរយ។ ធៀបនឹង Sociedad គ្រប់គ្រងបាល់ ៦០ ភាគរយ តែស៊ុតបាន ៨ លើក ចំគោលដៅ ២ លើកប៉ុណ្ណោះ។
គ្រាប់បាល់បើកឆាករបស់ United ធ្វើបានដោយ Bruno Fernandes នៅនាទី ២៧ និង ៥៧ មុនពេល Marcus Rashford បន្ថែមមួយគ្រាប់ទៀតនៅនាទី ៦៤ ហើយបិទវគ្គទីពីរដោយ Daniel James នៅនាទីទី ៩០។ ការប្រកួតជើងទី ២ នឹងធ្វើឡើងនៅថ្ងៃទី ២៦ កុម្ភៈ ឆ្នាំ ២០២១ វេលាម៉ោង ០៣:០០ នាទីព្រឹកដដែល មានផ្សាយផ្ទាល់លើទំព័រ CTS Sports៕
ទស្សនាវីដេអូខាងក្រោម៖