លោក Ole Gunnar Solskjaer មុនការប្រកួតចាប់ផ្ដើម បានអះអាងថានៅរាត្រីនេះ អ្នកគាំទ្រនឹងបានឃើញសមត្ថភាពកីឡាករវ័យក្មេងចំណូលថ្មី Amad Diallo ជាក់ជាមិនខាន។ រូបគេបានចូលរួមជាមួយក្រុមតាំងពីខែមករាមក ប៉ុន្តែមិនមានឱកាសលេងឈុតធំឡើយ ដោយបានត្រឹមកម្ដៅដាច់ដុំជាមួយក្រុមយុវជន U23 ប៉ុណ្ណោះ។ ក្រោយពីហ្វឹកហាត់ជាមួយក្រុមធំមួយរយៈមក ពេលនេះ ល្មមអាចឱ្យ Diallo អាចបង្ហាញសមត្ថភាពបានហើយ។
លោក Ole បន្ថែមថាកន្លងមកកីឡាករតម្លៃខ្លួន៣៧លានផោនខាងលើមិនបានលេង គឺដោយសារតែរូបគេនៅស្ទើរបទពិសោធបន្តិច មិនមែនមកពីសមត្ថភាពនៅមានកម្រិតអ្វីនោះ ទេ។ ការប្រកួតទល់ក្រុម Real Sociedad យប់នេះ ខ្សែប្រយុទ្ធវ័យ១៨ឆ្នាំនឹងទទួលបាននាទីដើម្បីចូលប្រកួតជាក់ជាមិនខាន៕
ប្រភព៖ DailyMail