ក្លឹបបាល់ទាត់ PSG បានដាក់តម្លៃខ្លួនរបស់ក្រុម Kylian Mbappe ជាផ្លូវការហើយចំនួន២០០លានអឺរ៉ូ ប្រសិនបើក្លឹបណាចង់បានទាល់តែហ៊ានដល់តម្លៃនេះ។
Mbappe រកបាន៣គ្រាប់ម្នាក់ឯងជួយក្រុម PSG វាយបកយកឈ្នះលើក្រុម Barcelona បានក្នុងលទ្ធផល ៤-១។ ក្រោយពីបង្ហាញសមត្ថភាពល្អនេះហើយ ពេលនេះចាប់ផ្ដើមមានក្លឹបជាច្រើនចង់បានរូបគេហើយ ជាពិសេស Real Madrid , Barcelona ផ្ទាល់និង Liverpool ជាដើម សុទ្ធតែមានចិត្តលើកីឡាករបារាំងវ័យ២០ឆ្នាំរូបនេះ។
ជាមួយកុងត្រានៅសល់ដល់ឆ្នាំ២០២២ ហើយមិនទាន់មានដំណឹងបន្ដកុងត្រាថ្មីនោះ ក្រុម PSG បានប្រកាសប្រាប់ទៅក្លឹបដែលចង់បានថា ពួកគេនឹងដាច់ចិត្តលក់ Mbappe ចេញតែម្ដង ប្រសិនបើមានក្លឹបព្រមឱ្យដល់២០០លានអឺរ៉ូ។ នេះជាតម្លៃផ្ដាច់កុងត្រារបស់ខ្សែប្រយុទ្ធខាងលើនេះ៕
ប្រភព៖ DailyMail