ខ្សែប្រយុទ្ធ Erling Haaland រកបាន២គ្រាប់ម្នាក់ឯងជួយក្រុម Dortmund យកឈ្នះលើក្រុម Sevilla ក្នុងលទ្ធផល ៣-២ នាការប្រកួតពានរង្វាន់ UEFA Champions League ជើងទី១វគ្គ១៦ក្រុមចុងក្រោយ។
ជាមួយការធ្វើបានល្អទាំងវ័យក្មេងនេះដែរ Haaland បានបំបែកកំណត់ត្រានៅ Champions League បាន២ទៅហើយ។ ក្នុងនោះ បានក្លាយជាកីឡាករដំបូងគេក្នុងប្រវត្តិសាស្ត្រ Champions League ដែលរកបានដល់១៧គ្រាប់ក្នុងការបង្ហាញខ្លួនត្រឹម១៣ប្រកួតប៉ុណ្ណោះ។ ខណៈដែលមួយទៀតគឺជាកីឡាករវ័យក្មេង ដែលរកបានដល់១០គ្រាប់ក្នុងការលេងតែ៧ប្រកួតទេឱ្យ Dortmund ។ នេះជាកំណត់ត្រាកីឡាកររកបានលឿនបំផុតហើយក្នុងការលេងឱ្យតែមួយក្លឹប។
យ៉ាងណាមិញ ខ្សែប្រយុទ្ធវ័យ២០ឆ្នាំនេះក៏នឹងមានរឿងត្រូវបំបែកច្រើនទៀតដែរ ប្រសិនបើរូបគេនៅតែបន្ដការរកគ្រាប់បាល់បានទៀតសម្រាប់ជើងទី២ទល់ក្រុម Sevilla ខាងមុខនេះ៕
ប្រភព៖ Goal