នៅឯកីឡដ្ឋានក្នុងទឹកដីរបស់ Sevilla សម្រាប់ការប្រកួតជើងទី ១ វគ្គ ១៦ ក្រុម Champions League ពួកគេមិនអាចយកឈ្នះទៅលើ Dortmund បាននោះទេ ហើយចុងក្រោយបញ្ចប់ដោយលទ្ធផល ២-៣។
ជាការប្រកួតដ៏ជក់ចិត្តមួយព្រោះក្រុមទាំងពីរបុកទៅមកប្រហែលគ្នា ជាពិសេសគឺ Sevilla ប៉ុន្តែការបញ្ចប់ទីគឺនៅមានកម្រិតបើធៀបនឹង Dortmund។ ក្រុមម្ចាស់ផ្ទះគ្រប់គ្រងបាល់ ៦៦ ភាគរយ ស៊ុត ១២ លើក ចំគោលដៅ ៤ លើក ធៀបនឹងក្រុមភ្ញៀវមាន ៣៤ ភាគរយ ស៊ុត ១០ លើក ចំគោលដៅ ៥ លើក។
គ្រាប់បាល់បើកឆាកធ្វើបានដោយកីឡាករ Suso នៅនាទី ៧ មុនពេល Mamoud Dahoud រកបាននៅនាទី ១៩ ដែលកាត់បាល់ចេញពីជើងរបស់ Erling Haaland។ លុះដល់នាទី ២៧ និង ៤៣ Haaland រកបានពីរគ្រាប់បន្ថែមឲ្យក្រុម ហើយរក្សាលទ្ធផលដល់នាទី ៨៤ ទើប Luuk de Jong រកបានមួយគ្រាប់សង តែនៅមិនអាចទទួលបានជ័យជម្នះ៕
ទស្សនាវីដេអូខាងក្រោម៖
https://www.youtube.com/watch?v=NZ1TTCi0_D0