ខ្សែប្រយុទ្ធ Neymar បានហៅការផ្ដល់បាល់ប៉េណាល់ទីទៅឱ្យក្រុម FC Barcelona នៅយប់មិញនេះ ថាជារឿងកំប្លែងមួយក្នុងវិស័យបាល់ទាត់។
ក្រុម Barcelona ទទួលបានបាល់ប៉េណាល់ទី១គ្រាប់ ក្រោយពីខ្សែការពារ Kuezawa ធ្វើឱ្យ De Jong ដួលក្នុងប្រអប់គ្រោះថ្នាក់។ ខណៈដែលការផ្ដល់បាល់ប៉េណាល់ទីនេះដែរ ធ្វើឱ្យ Neymar ខ្សែប្រយុទ្ធក្រុម PSG អស់សំណើចតែម្ដង ព្រោះបាល់នេះមិនសមនឹងទទួលបានការពិន័យឡើយ។ អតីតកីឡាករ Barcelona រូបនេះ បានបង្ហោះលើបណ្ដាញសង្គមថា វាជាការផ្ដល់ប៉េណាល់ទីកំប្លែងមួយប៉ុណ្ណោះ។
យ៉ាងណាមិញ ចុងបញ្ចប់នៃការប្រកួតក្រុម PSG នៅតែស្វែងរកជ័យជម្នះបានដដែល ក្នុងលទ្ធផល ៤-១។ ដោយក្រោយពី Barcelona នាំមុខ១គ្រាប់នោះហើយ ស្រាប់តែ Mbappe ដាក់៣គ្រាប់ និង Keane ដាក់១គ្រាប់វិញទៀត។ ចប់ការប្រកួតជើងទី១នេះ PSG ឈ្នះ ៤-១ មានប្រៀបសម្រាប់ជើងទី២ខាងមុខ៕ប្រភព Dailymail