ក្រុមអ្នកមានបុណ្យ Barcelona បានបរាជ័យជើងទី១ក្នុងលទ្ធផល ៤-១ ក្រោមថ្វីជើងរបស់ក្រុម PSG ក្នុងពានរង្វាន់ UEFA Champions League វគ្គ១៦ក្រុមចុងក្រោយ។
ត្បិតតែ Barcelona នាំមុខបាន១គ្រាប់មុនដោយបាល់ប៉េណាល់ទីហើយក្ដី ប៉ុន្តែក្រុមភ្ញៀវ PSG មិនបានបោះបង់ក្ដីស្រមៃចោលទេ ពោលគឺព្យាយាមវាយសម្រុកវិញរហូតរកគ្រាប់បាល់តាមស្មើ និងបន្ដថែម៣គ្រាប់ទៀតយកឈ្នះ ៤-១តែម្ដង។ ៤គ្រាប់របស់ក្រុម PSG នេះធ្វើបានដោយ Mbappe ៣គ្រាប់និង Keane ១គ្រាប់ទៀត។
បរាជ័យធ្ងន់នៅជើងទី១នេះ បានធ្វើឱ្យលោក Ronald Koeman និយាយថា៖ “ប្រកួតនេះបានបង្ហាញឱ្យយើងឃើញថាយើងនៅខ្វះរឿងជាច្រើនដើម្បីឱ្យក្រុមក្លាយជាក្រុមខ្លាំងមួយ និងដល់កម្រិតលេងនៅ Champions League ។ គ្រាប់បាល់នេះ បានបង្ហាញឱ្យឃើញថាពួកគេលេងល្អជាងយើងឆ្ងាយណាស់។ តង់ទី១យើងលេងបានល្អគ្រាន់បើ ប៉ុន្តែឈានដល់តង់ទី២ យើងមានបញ្ហាតំបន់ការពារ”៕ប្រភព Dailymail
