ប្រភេទទម្ងន់គុនចម្រុះ bantamweightនៅ ONE Championship មានជើងខ្លាំងគ្រប់គ្រងខ្សែក្រវាត់ពិភពលោកដ៏រឹងមាំយូរមកហើយ ប៉ុន្តែថ្មីៗនេះលេចមុខជើងខ្លាំងថ្មីៗដែលបានក្លាយជាតារាគ្រោះចូលគំរាមក្នុងទម្ងន់នេះ។
រាប់ចាប់ពីជើងខ្លាំងចាស់វស្សារហូតដល់តារាថ្មីកំពុងរះ ជើងខ្លាំងមួយចំនួនពោរពេញដោយសមត្ថភាព និងជំនាញត្រៀមខ្លួនរួចរាល់ហើយដើម្បីប្រជែងអធិរាជសង្វៀន។
តោះតាមដានលំអិត អំពីកីឡាករថ្មី និងចាស់ដែលនឹងធ្វើឲ្យតារាងចំណាត់ថ្នាក់ និងអធិរាជសង្វៀន ក្នុងទម្ងន bantamweight ដែលពោរពេញដោយជើងខ្លាំងដែលអ្នកគាំទ្រចង់ឃើញពួកគេបង្កព្យុះភ្លៀងក្នុងឆ្នាំ២០២១នេះ។
អធិរាជសង្វៀនគ្រប់គ្រងដោយកីឡាកររហស្សនាម‘The Flash’
កីឡាករ Bibiano “The Flash” Fernandes បានចូលសង្វៀន ONE កាលពីខែសីហា ឆ្នាំ២០១២។ នៅខែតុលា ឆ្នាំ២០១៣ គាត់បានក្លាយជាកីឡាករម្នាក់ដែលខ្លាំងនៅទម្ងន់នេះ។
ត្រឹមតែរយៈពេល១៤ខែ Fernandes ប្រកួតបាន៣ដង គឺឈ្នះទាំងអស់ និងបានឈ្នះខ្សែក្រវាត់ពិភពលោកបណ្តោះអាសន្ន ONE Interim Bantamweight World Title បន្ទាប់ពីឈ្នះ Koetsu Okazaki ហើយបន្ទាប់មកទទួលបានជ័យជម្នះលើកីឡាករ Soo Chul Kim នៅ ONE: TOTAL DOMINATIONដើម្បីបញ្ជាក់ពីជើងឯកពិភពលោកពិតប្រាកដ។
ចាប់តាំងពីពេលនោះ កីឡាករប្រេស៊ីលនេះបានឡើងការពារខ្សែក្រវាត់របស់ខ្លួន៨លើកដែលច្រើនជាងកីឡាករណាៗទាំងអស់នៅក្នុងប្រវត្តិសាស្ត្រការពារខ្សែក្រវាត់នៅ ONE និងមានតែម្តងគត់ដែលគាត់បានចេញកីឡាករ Kevin “The Silencer” Belingon ដោយពិន្ទុមិនឯកច្ឆន្ទកាលពីខែវិច្ឆិកា ឆ្នាំ២០១៨។
ក្រោយពេលបរាជ័យលើកដំបូងនោះមល Fernandes បានឈ្នះខ្សែក្រវាត់ពិភពលោក នៅខែមីនា ឆ្នាំ២០១៩ ហើយបន្ទាប់មកនៅតែរក្សាអធិរាជសង្វៀនដដែលតាមរយៈជ័យជម្នះលើ Belingonដោយដៃគូចុះចាញ់នៅខែតុលា។
ជ័យជម្នះ១១ដងក្នុងការប្រកួតជើងឯកពិភពលោកក្នុងចំណោម១២ប្រកួត និងធ្លាប់ឈ្នះជើងខ្លាំងល្បីៗជាច្រើនដូចជា Martin Nguyen, Reece McLaren, និង Dae Hwan Kim ខណៈអ្នកផ្សេងជាច្រើននឹងក្លាយជាដៃគូតឹងតែងខ្លាំង។
ជើងខ្លាំងលេខ១កណ្តាប់ដៃមហាទម្ងន់
ជើងខ្លាំងកំពុងឈរចំណាត់ថ្នាក់លេខ១ក្នុងទម្ងន់ bantamweight ត្រូវការណែនាំតិចតួចប៉ុណ្ណោះ។ John “Hands Of Stone” Lineker ទទួលបានរហ្សនាមលើកដំបូងនៅប្រទេសកំណើតប្រេស៊ីល និងបន្ទាប់មកគាត់បានបង្ហាញសមត្ថភាពនៅអាមេរិកខាងជើងដែលល្បីខាងកណ្តាប់ដៃមហាទម្ងន់។
ជារួម Lineker បានផ្តួលដៃគូឲ្យសន្លប់ចំនួន១៥ដងក្នុងចំណោមជ័យជម្នះទាំង៣៣ដង និងប្រកួតពីរដងនៅ ONE កាលពីឆ្នាំ២០១៩ទទួលបានជ័យជម្នះទាំងពីរលើក។
ការប្រកួតនៅ ONE លើកទី១ គាត់ទទួលបានជ័យជម្នះលើកីឡាករ Muin “Tajik” Gafurov ដោយពិន្ទុជាឯកច្ឆន្ទនិងបន្ទាប់មកគាត់បានបញ្ឈប់កីឡាករ Belingon ឲ្យសន្លប់កាលពីខែវិច្ឆិកា ឆ្នាំ២០២០ដែលនោះជាការចាញ់សន្លប់តែម្តងគត់ក្នុងអាជីពរបស់កីឡាករហ្វីលីពីន។
លទ្ធផលទាំងនោះហើយដែល Lineker បានក្លាយជាតារាប្រដាល់ដែលមានអាវុធដ៏គ្រោះថ្នាក់ និងប្រសិទ្ធភាពដែលស័ក្តិសមនឹងប្រជែងជាមួយជំនាញជឺជីតស៊ូកម្រិតពិភពលោករបស់កីឡាករប្រេស៊ីល Fernandes ខណៈអ្នកទាំងពីរពិតជាមានសមត្ថភាពប្រកួតជាមួយនរណាទាំងអស់នៅក្នុងលោកនេះ។
នៅពេលមិនទាន់គូប្រកួតណាម្នាក់ត្រូវបានប្រកាសជាផ្លូវការសម្រាប់ “The Flash” ដូច្នេះ Lineker ពិតជាស័ក្តិសមជាដៃគូរបស់គាត់បន្ទាប់ដើម្បីដណ្តើមខ្សែក្រវាត់ពិភពលោក។
កំពូលអ្នកលេងក្បាច់ក្រោម
Fernandes ជាជើងខ្លាំងដែលបរាជ័យតែម្តង់គត់នៅសង្វៀនអន្តរជាតិ។ ស្ទើរតែគ្មាននរណាផ្សេងដែលមានជំនាញក្រោមដូចគាត់ដែលជាជើងឯកជឺជីតស៊ូពិភពលោក ប៉ុន្តែមានជើងខ្លាំងពីរនាក់ដែលមានជំនាញឃ្លេកម្រិតខ្ពស់ស័ក្តិសមនឹងប្រកួតដណ្តើមខ្សែក្រវាត់ពីម្ចាស់ជើងឯក។
ម្នាក់ក្នុងចំណោមនោះគឺជើងខ្លាំងចំណាត់ថ្នាក់លេខ៤ Yusup “Maestro” Saadulaev ដែលមានបច្ចេកទេសលាយបញ្ចូលគ្នារវាងជំនាញចំបាប់ និងងជឺជីតស៊ូដែលគាត់មានខ្សែក្រវាត់ខ្មៅ ហើយបានធ្វើឲ្យគាត់មានជំនាញក្រោមកាន់តែកម្រិតខ្ពស់។ គាត់ប្រកួតក្នុងទម្ងន់ bantamweight ចាប់តាំងពីឆ្នាំ២០១៤មក ហើយគាត់បានប្រកួតឈ្នះ៨លើកជាប់គ្នាគួរឲ្យកត់សំគាល់។
ទន្ទឹមជាមួយគ្នា កីឡាករ Shuya “Stealth” Kamikubo ដែលបច្ចុប្បន្នមានចំណាត់ថ្នាក់លេខ៥ជាកីឡាករចំបាប់ជប៉ុនដ៏ឆ្នើមម្នាក់ដែលឈ្នះការប្រកួត៤លើកជាប់គ្នានៅ ONE។ គាត់បានបាត់បង់ឱកាសនៃការប្រកួតប្រជែងទាំងនោះដោយសារតែស្ទីលសម្ពាធខ្ពស់របស់គាត់ដែលមានបន្ទុកច្រើនទាំងជំនាញលើ និងជំនាញក្រោម។
វានឹងអាចក្លាយជាការប្រកួតយ៉ាងពិសេសដើម្បីបញ្ឈប់រជ្ជកាលរបស់“The Flash” ប៉ុន្តែដើម្បីយកឈ្នះ Fernandes ដែលពូកែជំនាញក្រោមនោះពិតជារឿងដ៏លំបាកបំផុត។
ជើងខ្លាំងវ័យក្មេងក្រៅចំណាត់ថ្នាក់ដែលមិនអាចរំលងបាន
Fabricio “Wonder Boy” Andrade បានធ្វើឲ្យមានការចាប់អារម្មណ៍ខ្លាំងកាលពីឆ្នាំ២០២០ និងបានក្លាយជាកីឡាករដ៏ល្អម្នាក់ក្នុងការបង្កគ្រោះកាចនៅក្នុងទម្ងន់នេះ។
តារាវ័យក្មេងមួយថៃមកពីប្រេស៊ីលបានបញ្ឈប់ Mark “Tyson” Abelardo ក្នុងការបង្ហាញខ្លួនប្រកួតលើកដំបូង និងសន្សំក្រេតឌិតឡើងទៅមួយកម្រិតទៀត។ បន្ទាប់មកជួបជើងខ្លាំងចំណាត់ថ្នាក់លេខ២ Shoko Sato នៅ ONE: UNBREAKABLE III នាដើមខែកុម្ភៈនេះ អ្នកជំនាញជាច្រើនគិតថា កីឡាករជប៉ុនល្អជាង និងមានបទពិសោធច្រើន។
ផ្ទុយទៅវិញ “Wonder Boy”ធ្វើបានយ៉ាងល្អដោយជំនាញវ៉ៃឈរ និងស្នៀតការពារជំនាញក្រោមដ៏រឹងមាំនាំឲ្យគាត់ទទួលបានជ័យជម្នះលើ Sato។
ប្រសិនបើគាត់អាចបន្តយកឈ្នះអ្នកដែលល្អជាង Sato នោះ ប្រាកដជាកីឡាករអាយុ២៣ឆ្នាំនេះដែលមានជំនាញគុនចម្រុះលាយបញ្ចូលមួយថៃនឹងក្លាយជាកីឡាករគ្រោះថ្នាក់ម្នាក់ដល់ម្ចាស់ជើងឯកក្នុងទម្ងន់។
តារាឆ្នើមផ្សេងទៀត
ពោរពេញដោយជើងខ្លាំងនៅក្នុងប្រភេទទម្ងន់នេះដែលអាចប្រជែងខ្សែក្រវាត់ពិភពលោក នៅពេលពួកគេស្វែងរកជ័យជម្នះបានតែពីរឬបីដងទៀត។
អ្នកលេងគុនចម្រុះកំពុងស្ថិតនៅចំណាត់ថ្នាក់លេខ៣ Belingon ជាបុរសម្នាក់គត់ដែលផ្តល់បរាជ័យលើកដំបូងដល់ Fernandes នៅសង្វៀន ONE ប៉ុន្តែបរាជ័យប៉ុន្មានលើកចុងក្រោយបានធ្វើឲ្យគាត់ធ្លាក់មកចំណាត់ថ្នាក់លេខ៣។ ទោះជាយ៉ាងណា សមាជិកក្លឹប Team Lakay នៅតែជាផ្ទាំងថ្មដ៏រឹងមាំម្នាក់នៅក្នុងទម្ងន់នេះ។
នៅផ្នែកជាមួយគាត់ Sato បានស្វែងរកឱកាសទៅប្រកួតដណ្តើមខ្សែក្រវាត់ពិភពលោក ប៉ុន្តែត្រូវបាន Andrade បន្ទុចបង្អាក់។ យ៉ាងណា កីឡាករជប៉ុននេះបានសាងជ័យជម្នះ៦លើកជាប់គ្នា មុនពេលបរាជ័យដោយសារ Andrade។ ប្រសិនបើគាត់វិលត្រឡប់មកវិញអាចនឹងជួប Belingon ក៏ថាបាន៕