ក្លឹប Manchester United បានប្រកាសថានឹងបន្ដគាំទ្រលោក Jose Mourinho ជាអ្នកចាត់ការទៀត ហើយក៏មិនបានទៅទាក់ទងទៅលោក Zidane ដើម្បីមកជំនួសតំណែងដែរ។
ចាប់តាំងពីលេងមិត្តភាពបើករដូវកាលមិនបានល្អ និងប្រកួតចាញ់ក្រុម Brighton ៣-២ ក្នុងសប្ដាហ៍ទី២នៃលីគកំពូលអង់គ្លេសផងនោះ អ្នកចាត់ការ Jose Mourinho ត្រូវបានអ្នកគាំទ្រ និងមតិមួយចំនួនរិះគន់យ៉ាងខ្លាំង។ ទន្ទឹមនឹងការរិះគន់នេះ ស្រាប់តែមានដំណឹងមួយបានបង្ហើបថា Zidane ចាប់អារម្មណ៍ចំពោះការមកដឹកនាំ Man Utd នេះ ប្រសិនបើក្លឹបសម្រេចចែកផ្លូវជាមួយ Jose ។
ដើម្បីបញ្ជាក់ឱ្យបាត់សង្ស័យ ក្លឹប Man Utd ផ្ទាល់បានប្រកាសជាសាធារណៈថាពួកគេនៅតែគាំទ្រចំពោះការដឹកនាំរបស់លោក Jose Mourinho បន្ដទៀត។ ខណៈដែលរឿងចង់បាន Zidane មកនោះ ក៏ក្លឹបមិនបានទាក់ទងអ្វីដែរ ព្រោះថាបច្ចុប្បន្ននេះ ក្រុមទាំងមូលសប្បាយចិត្តចំពោះការធ្វើការជាមួយ Jose នៅឡើយ៕ប្រភព៖ dailymail
