Kylian Mbappe រកបានគ្រាប់បាល់ Hat-Trick ជាលើកដំបូងនៅឯទីលានមរណៈ Camp Nou របស់ Barcelona កាលពីយប់មិញ ដែលនាំឲ្យក្រុម PSG សង្ឃឹមខ្ពស់ក្នុងការឆ្ពោះទៅកាន់វគ្គ ៨ ក្រុមបន្ទាប់។
ក្រោយចប់ការប្រកួតយុវជនស្នូលរបស់ក្លឹបបារាំង បាននិយាយពាក់ព័ន្ធនឹងអនាគតក៏ដូចភាពសប្បាយរីករាយបែបនេះថា៖ “អាវ PSG ជាអាវដែលខ្ញុំរីករាយនឹងពាក់បំផុត ហើយវាស្ថិតក្នុងបេះដូងរបស់ខ្ញុំ ប៉ុន្តែវាគឺជារឿងល្ងង់ក្នុងការសម្រេចចិត្តពីអនាគតខ្ញុំក្រោយមួយប្រកួតនេះ ព្រោះវាពាក់ព័ន្ធនឹងការសម្រេចចិត្តរយៈពេលយូរ”។
គេបន្តថា៖ “ខ្ញុំតែងតែនិយាយថាខ្ញុំរីករាយក្នុងទីក្រុងប៉ារីស ហើយប្រកួតបែបនេះគឺរមែងធ្វើឲ្យខ្ញុំសប្បាយរីករាយ ដោយយើងចង់មកទីនេះគឺដើម្បីទទួលបានជ័យជម្នះ”។
គួរបញ្ជាក់ថាការប្រកួតជើងទី ២ ដែលនឹងធ្វើឡើងក្នុងទឹកដីប្រទេសបារាំងវិញនោះ នឹងប្រព្រឹត្តិទៅនាវេលាម៉ោង ០៣:០០ នាទីព្រឹក ថ្ងៃទី ១១ មិនា ឆ្នាំ ២០២១៕