ការប្រកួតនៅ Champions League កាលពីយប់មិញ បានធ្វើឲ្យអ្នកគាំទ្រ Liverpool មានក្តីសង្ឃឹមបន្តដំណើរទៅមុខទៀតហើយ ក្រោយពីបានយកឈ្នះ ២-០ ទៅលើក្រុមខ្លាំងរបស់អាល្លឺម៉ង់ RB Leipzig។
វាជាលទ្ធផលដែលមិនរំពឹងខ្ពស់ដល់ម្លឹងទេ ព្រោះប៉ុន្មានប្រកួតចុងក្រោយនៅក្នុងលីគ PL ក្រុមដឹកនាំដោយលោក Jurgen Klopp ធ្វើមិនបានល្អ និងធ្លាក់ចេញពីតារាង Top 5 ទៅហើយ។
ទៅមើលស្ថិតិនៃការប្រកួត ក្រុមម្ចាស់ផ្ទះ Leipzig គ្រប់គ្រងបាល់ ៤៧ ភាគរយ ស៊ុត ១២ លើក ចំគោលដៅ ២ លើក ធៀបនឹងក្រុមភ្ញៀវ Liverpool ស៊ុត ១០ លើក ចំគោលដៅ ៣ លើក។ គ្រាប់បាល់ដំបូងរង់ចាំដល់តង់ទីពីរនាទី ៥៣ ទើបកើតមានដោយការស៊ុតរបស់ Mohamed Salah មុនរំលងប្រាំនាទី Sadio Mane បន្ថែមមួយគ្រាប់ទៀត ហើយរក្សាលទ្ធផលដល់ចប់ការប្រកួត។
ទស្សនាវីដេអូខាងក្រោម៖
https://youtu.be/m3e80HUlSHo
បញ្ជាក់ថាការប្រកួតជើងទី ២ នឹងធ្វើឡើងនៅវេលាម៉ោង ០៣:០០ នាទីព្រឹក ថ្ងៃទី ១១ មិនា ឆ្នាំ ២០២១ ដែលសារនេះលេងនៅឯទឹកដី Anfield វិញម្តង៕