ក្លឹប Borussia Monchengladbach បានចេញលិខិតផ្លូវការមួយ បញ្ជាក់ថាលោក Marco Rose អ្នកចាត់ការរបស់ខ្លួន នឹងផ្លាស់ទៅដឹកនាំក្រុម Dortmund ហើយនៅរដូវកាលថ្មីខាងមុខនេះ។
ក្លឹប Dortmund នៅមិនទាន់មានអ្នកចាត់ការថ្មីនៅឡើយទេ ចាប់តាំងពីបណ្ដេញលោក Lucien Favre ចេញកាលពីថ្ងៃទី១៣ខែធ្នូឆ្នាំ២០២០កន្លងទៅមក។ ដោយបច្ចុប្បន្នលោក Edin Terzic ជាអ្នកដឹកនាំក្រុមបណ្ដោះអាសន្នសិន។ យ៉ាងណាមិញ នៅយប់មិញនេះ ក្លឹប Monchengladbach ឯណោះបានចេញលិខិតផ្លូវការមួយប្រកាសថាអ្នកចាត់ការរបស់ខ្លួន នឹងទៅដឹកនាំក្រុម Dortmund រដូវកាលថ្មីហើយ។
រំលឹកថាលោក Rose វ័យ៤៤ឆ្នាំ បានចូលរួមជាមួយក្រុម Gladbach នៅឆ្នាំ២០១៩ ក្រោយពីចេញពីក្រុម Salzburg មក។ ក្នុងការដឹកនាំក្រុម៧២ប្រកួត លោកឈ្នះបាន៣៦ប្រកួត ស្មើ១៨ និងចាញ់១៨ប្រកួត៕ប្រភព Dailymail
