ក្រុម West Ham របស់លោក David Moyes បានឡើងទៅចំណាត់ថ្នាក់លេខ៥ក្នុងតារាង Premier League ហើយ ក្រោយពីយកឈ្នះលើក្រុម Sheffield United ក្នុងលទ្ធផល ៣-០។
លេងទល់ក្រុមបាតតារាង Sheffield United ក្រុមរបស់លោក Moyes មិនបារម្ភអ្វីច្រើននោះទេ ពោលគឺគ្រប់គ្រងការប្រកួតបានយ៉ាងល្អ ដោយរកគ្រាប់បាល់ជាបន្ដបន្ទាប់រហូតដល់៣គ្រាប់។ ទទួលបាន៣ពិន្ទុបន្ថែមនេះទៀតហើយ បានធ្វើឱ្យ West Ham មាន៤២ពិន្ទុ ឈរនៅលេខ៥ក្នុងតារាង Premier League ដោយនៅលើក្រុមការពារតំណែងជើងឯក Liverpool ដែលស្ថិតនៅលេខ៦ថែមទៀត។
ពួកគេក៏ស្មើពិន្ទុជាមួយក្រុម Chelsea ដែលស្ថិតនៅលេខ៤ផងដែរ មាន៤២ពិន្ទុដូចគ្នា គ្រាន់តែចាញ់គ្រាប់ចំណេញប៉ុណ្ណោះ។ នេះបញ្ជាក់បានថា West Ham នារដូវកាលនេះ ក៏ជាក្រុមប្រជែងតំណែង Top4 មួយដ៏ខ្លាំងផងដែរ៕ប្រភព Dailymail