ក្រុមកាំភ្លើងធំ Arsenal បានទទួលជ័យជម្នះនៅការប្រកួតក្នុងកីឡដ្ឋាន Emirate Stadium តាមរយៈលទ្ធផល ៤-២ ទៅលើក្រុម Leeds United កាលពីយប់មិញ។ នេះជាការប្រកួតជុំទី ២៤ សម្រាប់ Arsenal និងទី ២៣ សម្រាប់ Leeds ហើយបច្ចុប្បន្នពួកគេឈរលេខ ១០/១១ ក្បែរគ្នាខុសគ្នា ២ ពិន្ទុ។
ទៅមើលស្ថិតិការប្រកួតយប់មិញ យើងឃើញថា Arsenal មានឱកាសស៊ុតច្រើនគួរសម ដោយមាន ១៣ លើក ចំគោលដៅ ៥ លើក តាមរយៈការគ្រប់គ្រងបាល់ ៤៥ ភាគរយ ធៀបនឹងក្រុមភ្ញៀវស៊ុត ៩ លើក ចំគោលដៅ ៥ លើក គ្រប់គ្រងបាល់ ៥៥ ភាគរយ។
គ្រាប់បាល់បើកឆាកធ្វើបានដោយ P.E Aubameyang នៅនាទី ១៣ មុនបន្ថែមបាល់ពិន័យ ១១ ម៉ែត្រនៅនាទី ៤១ ហើយនៅនាទី ៤៥ Hector Bellerin យកបានគ្រាប់បាល់ទី ៣។ រហូតមកដល់តង់ទីពីររំលងបាន ២ នាទីបើកឆាក Aubameyang ក៏ធ្វើបាន Hat-Trick នាំមុខ ៤-០ រហូតដល់នាទី ៥៨ Pascal Struijk តាមមួយគ្រាប់វិញ និងបន្ថែមមួយគ្រាប់ទៀតដោយ Helder Costa នៅនាទី ៦៩៕
ទស្សនាវីដេអូខាងក្រោម៖