លោក Ronald Koeman បានអះអាងថាក្រុម FC Barcelona មានសមត្ថភាពនិងទំនុកចិត្តគ្រប់គ្រាន់ក្នុងការយកឈ្នះលើក្រុម PSG បានក្នុងពានរង្វាន់ UEFA Champions League ។
នៅយប់មិញនេះ Barcelona បានយកឈ្នះលើក្រុម Alaves ក្នុងលទ្ធផល ៥-១ សម្រាប់ការប្រកួតពានរង្វាន់ La Liga មុនពេលពួកគេត្រៀមដើម្បីប៉ះក្រុម PSG បន្ដទៀត។ ជ័យជម្នះធំធេងនេះដែរ ត្រូវបានលោក Koeman ជឿជាក់ថាវានឹងក្លាយជាទំនុកចិត្តមួយសម្រាប់ក្រុមរបស់លោកក្នុងការប្រកួតនៅពានរង្វាន់ UEFA Champions League ។
អ្នកចាត់ការសញ្ជាតិហុល្លង់ខាងលើបាននិយាយថា៖ “ក្រុមយើងកំពុងធ្វើបានល្អ។ យើងកំពុងមានទំនុកចិត្ត ថាយើងនឹងឈ្នះ PSG បាន។ ពួកគេមានកីឡាកររបួស យើងក៏មានដូចគ្នា។ យើងកំពុងស្ថិតក្នុងទម្រង់ប្រយុទ្ធល្អមួយ យើងមានទំនុកចិត្តថាយើងនឹងទម្លាក់ក្រុម PSG បាននៅសប្ដាហ៍ក្រោយនេះ”៕
ប្រភព៖ Marca