ក្រុម Juventus បានបរាជ័យក្រោមថ្វីជើងក្រុម Napoli ក្នុងលទ្ធផល ១-០ សម្រាប់ការប្រកួតពានរង្វាន់ Serie A នាយប់មិញនេះ ដែលធ្វើឱ្យពួកគេខកខានឱកាសប្រកៀកជាមួយក្រុមកំពូលតារាង។
លេងក្នុងដីខ្លួនឯងក្រុម Napoli ពិតជាធ្វើបានល្អមែនទែន។ ពួកគេមានឱកាសរកគ្រាប់បាល់នាំមុខបាននៅនាទី៣១ ដោយគ្រាប់បាល់ប៉េណាល់ទីពីសំណាក់ Lorenzo Insigne ។ ខណៈដែល១គ្រាប់នេះហើយ គឺជាគ្រាប់បាល់ជ័យជម្នះក្នុងការប្រកួតនេះតែម្ដង ព្រោះ Juventus ព្យាយាមបុកដែរតែមិនអាចសម្រេចគោលដៅឡើយ។
ឆ្លងកាត់ប្រកួតនេះ Napoli បានឡើងទៅលេខ៤ក្នុងតារាង មាន៤០ពិន្ទុ ស្របពេលក្រុម Juventus វិញមាន៤២ពិន្ទុនៅលេខ៣។ Inter Milan នៅលេខ២នោះមាន៤៧ពិន្ទុ ស្របពេល AC Milan នៅលេខ១មាន៤៩ពិន្ទុ៕
ប្រភព៖ DailyMail