នៅវេលាម៉ោង ១២:៣០ នាទីរំលងអាធ្រាត្រ ក្រុមមេឃខៀវ Manchester City នឹងបើកកីឡដ្ឋាន Etihad Stadium ស្វាគមន៍ក្រុមមាន់ខ្នាយមាស Tottenham Hotspur ដែលជាការប្រកួតជុំទី ២៣ សម្រាប់ក្រុមទាំងពីរ។
បច្ចុប្បន្ន City មាន ៥០ ពិន្ទុឈ្នះទាំង ៦ ប្រកួតចុងក្រោយ ធៀបនឹង Spurs មានត្រឹម ៣៦ ពិន្ទុនៅ ៦ ប្រកួតចុងក្រោយ ឈ្នះ ២ ស្មើ ១ និងចាញ់ ៣។ ដោយឡែកនៅរាត្រីនេះ តាមការព្យាករណ៍ពី Sportsmole បង្ហាញថា City នឹងបន្តយកឈ្នះ តាមរយៈលទ្ធផល ២-០។
បញ្ជាក់ថាក្រុមទាំងពីរជួបគ្នា ១៦២ លើករួចមកហើយ រាប់គ្រប់ការប្រកួតទាំងអស់ ដោយរវាង City និង Tottenham ឈ្នះ ៦៣ លើកស្មើគ្នា ហើយទទួលលទ្ធផលស្មើ ៣៦ លើក។ ត្បិតបើក្រោមការដឹកនាំរបស់ Mourinho ក្រុម Spurs សុទ្ធតែឈ្នះនៅ ២ ប្រកួតចុងក្រោយពេលប៉ះ Man City ក្តី (ខែកុម្ភៈ និងវិច្ឆិកា ឆ្នាំ ២០២០) តែទម្រង់លេងបច្ចុប្បន្នគេជឿជាក់លើ City ច្រើនជាង។
ខាងក្រោមបង្ហាញពីជម្រើស ១១ នាក់ដំបូងដែលអាចកើតឡើងរវាងក្រុមទាំងពីរ៖
Man City: Ederson; Cancelo, Stones, Laporte, Zinchenko; Rodri, Gundogan, Silva; Mahrez, Sterling, Foden
Tottenham Hotspur: Lloris; Doherty, Alderweireld, Rodon, Davies; Hojbjerg, Sissoko; Lucas Moura, Ndombele, Son; Kane
ប្រភព៖ Sportsmole