ក្រុមហង្សក្រហម Liverpool បានបញ្ជាក់ថាខ្សែបម្រើការពារ Fabinho បានរងរបួស មិន អាចចូលលេងទល់ក្រុម Leicester City បានទេ សម្រាប់ការប្រកួតនៅរាត្រីនេះ។
របួសកីឡាករប្រេស៊ីលនេះ នឹងធ្វើឱ្យក្រុម Liverpool កាន់តែជួបផលលំបាកមែនទែនហើយសម្រាប់ការប្រកួត ជាពិសេសប៉ះក្រុមកំពុងឡើងជើង Leicester City និងត្រូវប្រកួតពាន UEFA Champions League ទៀតនៅដើមសប្ដាហ៍ក្រោយ។ លោក Klopp បង្ហើបថាលោកគ្មានជម្រើសអ្វីក្រៅពីប្រើប្រាស់កីឡាករដែលទើបទិញចូលនាពេលកន្លងទៅនេះដែរ។
គេរំពឹងថា Ozan Kabak ឬ Ben Davies នឹងត្រូវចូលលេងនៅតំបន់ការពារហើយ ក្រោយពីក្រុមជួបវិបត្តិកីឡាករច្រើនមែនទែនមិនអាចដោះស្រាយទាន់ពេលនោះទេ។ បន្ទាប់ពីប៉ះក្រុម Leicester ទៅ ពួកគេនឹងប៉ះក្រុម Leipzig នៅពាក់កណ្ដាលសប្ដាហ៍ក្រោយ ហើយនៅចុងសប្ដាហ៍ប៉ះក្រុម Everton ទៀត៕
ប្រភព៖ DailyMail