លោក Ronald Koeman បានអះអាងថាការប្រកួតទល់ក្រុម Alaves ក្នុងក្របខណ្ឌ La Liga គឺសំខាន់ជាងការប្រកួតទល់ក្រុម PSG នៅពានរង្វាន់ UEFA Champions League ទៅទៀត។
មុនប៉ះក្រុម PSG ក្នុងវគ្គ១៦ក្រុមចុងក្រោយពានរង្វាន់ UEFA Champions League នោះ ក្រុម Barcelona នឹងត្រូវប៉ះក្រុម Alaves ក្នុងពានរង្វាន់ La Liga នាចុងសប្ដាហ៍នេះសិន។ ដោយការប្រកួតមួយនេះដែរ ត្រូវបានលោក Koeman អ្នកចាត់ការក្រុមអ្នកមានបុណ្យចាត់ទុកថាជាការប្រកួតសំខាន់ជាងប្រកួតទល់ក្រុម PSG ទៅទៀត។
អ្នកចាត់ការសញ្ជាតិហុល្លង់ខាងលើនេះ បាននិយាយថា៖ “ខ្ញុំមិនសង្ស័យទេ កីឡាកររបស់ខ្ញុំនឹងផ្ដោតលើការប្រកួតជាមួយ Alaves ។ ប្រកួតនេះសំខាន់ជាងប្រកួតជាមួយក្រុម PSG ទៅទៀត។ យើងផ្ដោតលើការប្រកួតមុន ទើបគិតលើការប្រកួតបន្ទាប់ទៀត”៕
ប្រភព៖ Marca