ក្លឹប Besiktas មានបំណងចង់ខ្ចីជើងអ្នកចាំទី Loris Karius ពីក្រុម Liverpool នារដូវកាលនេះ ក្រោយពីរូបគេបាត់បង់តំណែងដៃទី១ ឱ្យទៅ Alisson ។
វត្តមានរបស់ Alisson ត្រូវបានគេដឹងច្បាស់ថា Karius នឹងលែងមានឱកាសចាប់បាល់ទៀតហើយ ព្រោះរូបគេធ្វើឱ្យអ្នកចាត់ការ Klopp លែងទុកចិត្ត ដោយសារកំហុសនៅវគ្គផ្ដាច់ព្រ័ត្រ UEFA Champions League ។ ដោយសារតែដូច្នេះហើយ ទើបបានជា មានក្លឹបមួយគឺ Besiktas មើលឃើញឱកាសល្អ ក្នុងការខ្ចីជើង Karius ទៅបាន ព្រោះទោះជាទុកនៅក៏ Liverpool លែងមានប្រយោជន៍ទៀតដែរ។ ជាមួយគ្នានេះទៀតសោត Liverpool ក៏អាចនឹងឱ្យរូបគេចាកចេញទៅផងដែរ ព្រោះ Alisson មានសមត្ថភាពគ្រប់គ្រាន់ដើម្បីក្លាយជាជម្រើសទី១។
Karius វ័យ២៥ឆ្នាំ ត្រូវបាន Liverpool ទិញកាលពីឆ្នាំ២០១៦កន្លងទៅ ពីក្រុម Mainz 05 ក្នុងតម្លៃខ្លួន៤,៧៥លានផោន មានកុងត្រារយៈពេល៥ឆ្នាំ៕ប្រភព៖ DailyMail
