ខ្សែប្រយុទ្ធ Neymar ដែលបានរងរបួសម្សិលមិញនេះ ត្រូវសម្រាកយ៉ាងតិច១ខែទៀតហើយ ក្រោយពីក្រុមគ្រូពេទ្យពិនិត្យនិងស្កេនមើលរួចមក។
នេះមានន័យថាខ្សែប្រយុទ្ធវ័យ២៩ឆ្នាំខាងលើនេះ នឹងមិនអាចចូលលេងឱ្យក្រុម PSG ទល់ក្រុម FC Barcelona នៅពានរង្វាន់ UEFA Champions League បានឡើយនាសប្ដាហ៍ក្រោយ។ មិនត្រឹមតែប៉ុណ្ណោះរូបគេក៏ត្រូវប្រឹងប្រែងបន្ថែមទៀតដែរបើសិនជាចង់លេងជើងទី២ដែលធ្វើឡើងនៅថ្ងៃទី១០ខែមីនាឆ្នាំ២០២១ខាងមុខ ព្រោះរយៈពេលនៅតិចណាស់។
Neymar មានបញ្ហារបួសច្រើនមែនទែន ដែលធ្វើឱ្យរូបគេខកខានការប្រកួតជាច្រើន។ លោក Pochettino អ្នកចាត់ការក្រុម PSG ក៏បានបង្ហាញកង្វល់សម្រាប់រឿងនេះដែរ ព្រោះប៉ះក្រុម Barcelona នោះ ក្រុមរបស់លោកនឹងអវត្តមានកីឡាករសំខាន់២នាក់ទៅហើយមាន Neymar និង Di Maria ៕ប្រភព Marca