Bayern Munich បានបង្កើតផ្លែផ្កាជោគជ័យមួយទៀតហើយនៅចន្លោះពេល ១២ ខែចុងក្រោយ តាមរយៈការឈ្នះពាន FIFA Club World Cup ដោយយកឈ្នះទៅលើក្លឹប Tigres UANL កាលពីយប់មិញ។
វាជាពានរង្វាន់ទី ៦ នៅចន្លោះពេល ១ ឆ្នាំមកនេះ ដែលក្រុមអាល្លឺម៉ង់បានឈ្នះ ដោយមានពានក្នុងស្រុក ៣ និងពានលំដាប់អន្តរជាតិ ៣។
ទៅមើលស្ថិតិការប្រកួតនៅឯកីឡដ្ឋានក្នុងទឹកដីប្រទេសកាតាកាលពីយប់មិញ គឺ Bayern គ្របតាំងពីដើមដល់ចុងតង់ តែរកបាន ១ គ្រាប់គត់។ ភាគរយគ្រប់គ្រងបាល់ Bayern មាន ៥៦ ភាគរយ ស៊ុត ១៧ លើក ចំគោលដៅ ៨ លើក ធៀបនឹងក្រុម UANL ស៊ុត ៣ លើក ចំគោលដៅ ១ លើកគត់។ គ្រាប់បាល់ជ័យជម្នះកើតឡើងនៅនាទី ៥៩ ដោយ Benjamin Pavard ដែលដំបូងស្មានថាជាបាល់ Offside តែក្រោយ VAR កាត់សេចក្តីក៏សម្រេចផ្តល់គ្រាប់បាល់នោះទៅឲ្យ Bayern៕
ទស្សនាវីដេអូខាងក្រោម៖