ស្ថានភាពរបស់ Liverpool នៅរយៈពេលចុងក្រោយកាន់តែដុន.ដាបទៅ ក្រោយពីជញ្ជាំងការពារសំខាន់ៗបានជួបបញ្ហារបួស ហើយដល់ថ្នាក់យកកីឡាករលេងតំណែងបម្រើមកដើរតួជំនួស។
តាំងពី Virgil van Dijk, Joel Matip និង Joe Gomez សុទ្ធតែសម្រាកព្យាបាលរយៈពេលយូរ នាំឲ្យវាក្លាយជាបញ្ហាឈឺក្បាលសម្រាប់ Klopp ហើយនៅទីផ្សារដោះដូររដូវរងាកន្លងទៅ ក្លឹបពុំបានប្រើប្រាស់លុយធំនាំយកខ្សែការពារកំពូលណាបានសូម្បីមួយ។
តាមរបាយការណ៍ពី TheSun ចុះផ្សាយថា អ្នកចាត់ការសញ្ជាតិអាល្លឺម៉ង់បានមានការខឹងសម្បានឹងថ្នាក់លើរបស់ Liverpool ជាខ្លាំង ព្រោះគោលការណ៍ចុះហត្ថលេខានាំយកកីឡាករថ្មីរបស់ក្លឹប បែរជាមិនអនុញ្ញាតឲ្យលោក Klopp សម្រេចការនាំយក Koulidou Koulibaly ពីក្លឹប Napoli ទៅវិញ។
កីឡាករសញ្ជាតិសេណេហ្គាល់មានតម្លៃខ្លួន ១០០ លានផោន ហើយមានក្លឹបធំៗជាច្រើននៅ Premier League ចង់បាន រួមទាំង Liverpool នេះផងដែរកាលពីខែមករាកន្លងទៅ តែចុងក្រោយក្លឹបពុំបានបញ្ចេញកញ្ចប់ចំណាយនោះមកឡើយ៕
ប្រភព៖ Metro