ខ្សែប្រយុទ្ធរបស់ក្លឹប Real Madrid គឺកីឡាករ Eden Hazard បានបង្ហើបពីគោលបំណងរបស់ខ្លួនថា ចង់ឈរជើងដល់លើសអាយុ ៣៥ ឆ្នាំ ប្រសិនណាកាយសម្បទានៅអំណោយទានអាចអនុញ្ញាតឲ្យគេនៅបន្តដំណើរទៅមុខ។
បច្ចុប្បន្ន Hazard គេកំពុងជួបបញ្ហារបួស ហើយជាមួយការផ្ទេរមក Madrid នេះគឺរបួសញឹកញាប់ខ្លាំង និងមិនទាន់បង្ហាញពីគុណភាពនៅចំណុចកំពូលមួយនៅឡើយ។
បុរសវ័យ ៣០ ឆ្នាំបានប្រាប់ On The Front Foot កន្លងទៅថា៖ “ខ្ញុំគ្រាន់តែសង្ឃឹមថាអាចលេងបាល់ទាត់កាន់តែយូរតាមដែលអាចធ្វើទៅបាន ដោយខ្ញុំតែងតែព្យាយាមធ្វើឲ្យខ្លួនឯងរីករាយជាមួយជីវិតលើទីលាន”។
កីឡាករបែលហ្សិកបន្ថែម៖ “អាទិភាពនៅពេលនេះ គឺខ្ញុំចង់លេងឲ្យបានល្អ ដោយខ្ញុំទើបតែឈានចូលវ័យ ៣០ ឆ្នាំ ហើយប្រសិនរាងកាយខ្ញុំនៅល្អ ខ្ញុំសង្ឃឹមថាអាចលេងនៅរយៈពេល ៥ ឬ ៦ ឆ្នាំទៅមុខទៀត ដោយខ្ញុំកំពុងផ្តោតសំខាន់ទៅលើការប្រកួតនាពេលបន្ទាប់”៕
ប្រភព៖ SoccerLaduma