ខ្សែបម្រើស្លាប Angel di Maria មិនអាចជួយក្រុម PSG លេងទល់ក្រុម FC Barcelona សម្រាប់ជើងទី១ពានរង្វាន់ UEFA Champions League បានទេ ដោយសាររបួស។
Di Maria បានរងរបួសអំឡុងពេលលេងទល់ក្រុម Marseille កាលពីពេលកន្លងទៅនេះ។ របួសភ្លៅនេះ បានធ្វើឱ្យរូបគេត្រូវសម្រាកសិន មិនអាចជួយក្រុមលេង Cup និងលីគបានទេ។ ដោយឡែកសម្រាប់ការប្រកួតទល់ក្រុម FC Barcelona នៅពាក់កណ្ដាលខែនេះ ក៏រូបគេមិនទាន់អាចចូលលេងបានដែរនៅជើងទី១ពានរង្វាន់ UEFA Champions League ។
យ៉ាងណាក៏ដោយ លោក Mauricio Pochettino អ្នកចាត់ការក្រុម PSG បាននិយាយថាក្រុមមានសមាជិកគ្រប់គ្រាន់សម្រាប់ជំនួសតំណែងរបស់ Di Maria ។ ខ្សែបម្រើរូបនេះ ជាកីឡាករសំខាន់ណាស់សម្រាប់ក្រុម តែលោកក៏មានកីឡាករសម្រាប់លេងទល់ក្រុម FC Barcelona រួចទៅហើយដែរសម្រាប់ជើងទី១ខាងមុខនេះ៕ប្រភព Marca