ក្រុម Inter Milan ក្រោមការដឹកនាំរបស់លោក Conte បានធ្លាក់ចេញពីពានរង្វាន់ Coppa Italia ហើយ ក្រោមថ្វីជើងក្រុម Juventus កាលពីយប់មិញនេះ។
យ៉ាងណាមិញក្នុងការប្រកួតនៅយប់មិញនេះ ក៏មានការប៉ះទង្គិចសម្ដីគ្នាខ្លះរវាងថ្នាក់ដឹកនាំក្រុម Juventus ជាមួយលោក Conte អ្នកចាត់ការក្រុម Inter Milan ផងដែរនៅពេលចប់ការប្រកួតទៅ។ ដោយប្រភពនៅអ៊ីតាលីបានបញ្ជាក់ថា លោក Conte បានលើកម្រាមដៃកណ្ដាលដាក់លោក Andrea Agnelli ប្រធានក្លឹប Juventus នៅពេលការប្រកួតបញ្ចប់តង់ទី១។
ក្រោយមក នៅចប់ការប្រកួតលោក Andrea Agnelli នោះក៏បានស្រែកជេរទៅលោក Conte វិញភ្លាមៗផងដែរ។ ដោយប្រើប្រាស់ពាក្យមិនសមរម្យទាល់តែសោះសម្រាប់ការប្រកួតនេះ។ ទាក់ទងនឹងរឿងខាងលើ ក្នុងសន្និសីទកាសែត លោក Conte មិនបាននិយាយអ្វីឡើយ ដោយលោកអះអាងថាគ្រប់គ្នាគួរតែទៅសួរខាងក្រុម Juventus ទើបដឹងច្បាស់៕ប្រភព Dailymail
